صراحة هالموضوع اللي كنت أبغي أطرحة كنت أظنه في السابق مبالغات لا داعي لها لكم بعد أن بدأت العمل صراحة شفته بكثرة، دايما يقال انه المواطن لايعمل ويتكل على غيره و ساعات اتشوف هالكلام من المواطنين نفسهم …. لماذا الناس عندهم هالفكرة السيئة و انه المواطن لايعمل و دايما يطلع من الدوام بس لو سواها الوافد بيقولون عنده شغل و أكيد مضطر يطلع….صراحة أنا أشتغل و انسانه شوي اتحب الشغل بزيادة يعني عادي عندي أتأخر لين سبع و ثمان أخلص اللي عندي و أسوي أي شغله يبونها حتى لو عطوني أكثر من يوم عشان أخلصها ممكن أخلصها قبل…
صح انه ممكن ايكون فيه هالنموذج من المواطنين بس هذا لايقتصر على الاماراتيين فقط و ينطبق على الجنسيات الأخرى
صراحة اكتشفت انه الواحد لو اشتغل او ما اشتغل بينقال نفس الكلام عنه بس لإنه يلبس غترة و عقال و البنت لابسة عباية و شيلة
الله كريم يا أختي
وكلي أمرج لله وريحي ضميرج وخاااطرج
مهما تكلمنا ومهما قلنا خلاص رااااحت علينا
{{ البقااااء للأقوى }}
فيه بعض اماكن حكوميه يوصل فيها توطين الى 2 بل ميه
شوفو لي اي درجه .. يتزحلق المواطن بحجة انه انسان موب حق شغل .. هي اشاعه طلعوها عسب يكسبون لقمة عيشهم على حساب المواطن .. بس اذا كلنا قلنا نفس الكلام هذا بننكون نفسهم نشجع الوافدين انه يزدادون ويي يوم تكوون فيه نسبة المواطن 1 بل ميه .. وبعدها ينقرض المواطن عن شغل ويزادو الوافديين فدولهويكثرو ابو نضال وحسونه وابو كاجول .. فخلونا على يد وحده وبلا هل اشاعات ال يمالها داعي ونا صراحه سمعتها من كذا شخص وافد وقفته عند حده وقلتله انت ياي تاكل وتترزق موب يا تذم فل غير ولله ثواني الا اشوف الحبيب يحلف انه يمزح معاي ..
بسم الله الرحمن الرحيم
المسألة لها علاقة بالامانة وتحليل المعاش والالتزام بالعقد وهي مسألة عامة لا تخص جنسية معينة ،
كل انسان يعمل مقابل أجر وما في حد يرضى انه يعمل بدون مقابل
والانسان مسؤول عن عمله وقال تعالى ( وقل اعملوا فسيرى الله عملكم) صدق الله العظيم
وقال سيدنا محمد عليه الصلاة والسلام ( اذا عمل أحدكم عملا فليتقنه )
ومن أراد أن يكون مطعمه ومشربه حلال فيجب عليه ان يخلص في عمله وان يؤديه على أكمل وجه
قديما كان الاتكال على الوافد في معظم الأعمال أما اليوم فهناك اختلاف فقد أثبت المواطن جدارته
واصبح مستوى التعليم في ازياد والآن المواطن يتحمل المسؤوليه مهما كانت مشقاتها وصعوبتها
فالموضوع ليس من يعمل المواطن أم الوافد الموضوع موضوع وطنيه واخلآص واحساس بالانتماء
ورد الجميل لبلد جادت علينا بكل ما هو غالي ونفيس ومن هنا علينا رد الجميل .
المواطن كون دوله وصل صيتها الجميل لمشارق الارض ومغاربها
الا وهي الامــــــــــــــــــــــــــــارات وما عليج منهم
وطبيهم بتراب ويعل العين ماتشوفهم …. حساد !!