صراحة هالموضوع اللي كنت أبغي أطرحة كنت أظنه في السابق مبالغات لا داعي لها لكم بعد أن بدأت العمل صراحة شفته بكثرة، دايما يقال انه المواطن لايعمل ويتكل على غيره و ساعات اتشوف هالكلام من المواطنين نفسهم …. لماذا الناس عندهم هالفكرة السيئة و انه المواطن لايعمل و دايما يطلع من الدوام بس لو سواها الوافد بيقولون عنده شغل و أكيد مضطر يطلع….صراحة أنا أشتغل و انسانه شوي اتحب الشغل بزيادة يعني عادي عندي أتأخر لين سبع و ثمان أخلص اللي عندي و أسوي أي شغله يبونها حتى لو عطوني أكثر من يوم عشان أخلصها ممكن أخلصها قبل…
صح انه ممكن ايكون فيه هالنموذج من المواطنين بس هذا لايقتصر على الاماراتيين فقط و ينطبق على الجنسيات الأخرى
صراحة اكتشفت انه الواحد لو اشتغل او ما اشتغل بينقال نفس الكلام عنه بس لإنه يلبس غترة و عقال و البنت لابسة عباية و شيلة
تسلمين ها من طيب اصلج
بيض الله ويهج
والنعم بناس الامارات وشعبها والي يقول جدي غيران او ناكر لجميل هالبلد
وتمش يالقافلة والكلاب تنبح
هذيل مقهورين الي يتكلمون عنا
والله بندوس على خشومهم
اماراتيين وروسنا بسماء مرفوعه
ماعلينا من كلام العذال
لما الانان سواء مواطن ولا غيره يشتغل
لا يسمع رمسة الناس ترى اختي انتي تشتغلين لان العمل عبادة وتخدمين وطنج
موب علشان الناس يقولون يشتغل ولا ما يشتغل
واهم شي ان الواحد يكون نيته صافية وعمله على اكمل وجه جدام ربه
وبالنهاية ارضاء الناس غاية لا تدرك