لكزس ولا بي ام؟؟؟

28 thoughts on “لكزس ولا بي ام؟؟؟”

1. السلام عليكم

   انا فخاطري سياره تكون كشخه وراهيه…

   الحيين انا محتاره بين خمس سيايير..

   1_اكس فايف

   2_لكزس ستيشن

   3_اكزس Gs

   4_لكزس Es

   5_لكزس Ls 460

   قولولي اي وحده شكلها افخم عن الباقيات وشخصيه؟؟؟؟!

   ومشكورييين

   السلام عليكم ورحمة الله وبركاته

   اختي جمانه

   بصراحة احترت ويا ( انواع السيارات ) الي حطيتيها .. لان مبالغهم تتراوح ما بين 420 ألف ( فل اوبشن ال اكس 5 ) الى 166 الف ( فل اوبشن ال Es ) >>

   اختي لو تخبرينا كم ميزانيتك ( كم ناوية تدفعين في موتر ..) على سبت نعطيج الخيارات الي موجوده .. لان لو تخبريني بين السيارات الموجوده بقولج خذي GS سعرها حلو و فيها كل المواصفات !!

   عن البي ام .. انا اقولج لا تقارنين البي ام مع اللكزس ( مع احترامي لكل رعاة اللكزس فديتهم واحد واحد ) .. لكن انا من شهرين مآخذ LS460 .. موديل 2008 .. و بعته لواحد من المنتدى .. اخ عزيز .. و خبرته من اول ما شاف الموتر .. قلتله .. اللكزس بصوب و البي ام بصوب لان انا عندي بي ام ويا ريت 745 عندي 530 وموديل 2004 !!!!! .. صدقيني سواقه غير و مهما حطينا ارآء بقولج الماني غير والياباني غير .. صح اللكزس فيله كل المواصفات الي تدخل الراس ( حتى شىء AUTO PARK ) السياره اولى في العالم .. بس والله سواقه ما تسوى 300 الف درهم ..

   الألماني يباله محافظه و اهتمام و تشييكات و ( خساره فلوس ) بس نهاية اليوم انتي في امان و سياره فيها كل مقومات الثبات في العالم .. ( اتكلم عن الألماني بشكل عام ) من مرسيدس ولا بي ام و غيرها بعد

   اذا ميزانيتج 300 الف .. اقولج ابعدي عن الرنج الكثير لا يمدح فيه .. و ابعدي عن الكيو 7 بعد نفس الشىء .. خذي مرسيدس ولا بي ام ابرك لج .. و هذه نصيحه واحد تاب من شىء اسمه ياباني .. صح انه الياباني عملي .. بس ما يسوى 300 الف ..

   نصيحة .. GS430 .. حلوه و سعرها حلو .. يعني 195 الف من بهوان و 214 من الفطيم .. انصج فيها بتقوليلي توك تقول ابعد عن الياباني ( نعم ابعدي لكن اذا انتي مصممه لكزس خذي هذه ) سياره حلوه و صغيره و ما تنمل ..و قوية و شكلها الخارجي روعه مع التغييرات 2008

   السموحه على الأطاله .. بس والله نصيحه اذا لج نية دفع اكثر من 250 الف على سياره لا تآخذين ياباني والسموحه من كل اصاحب اللكزس .. والله انها سياره حلوه بس الألماني موضوع ثاني

   السموحه مره اخرى

2. X5 4.8 رووعه حلوه من برع بس من داخل تصميمها مب لهناك ولا تاخذين 4.8 لانها شبابيه وغاليه واذا تبين X5 4.4 بتكون ارخص وسعرها 270 الف تقريبا

   لكزس Ls 460 روووعه ماعليهاا رمسه فخمه وروعه قويه وسياره خقه وسعرها 320 الف

   بس انا انصحج بـ مرسيدس E500 فعلا سيااره فخمه وقويه ويكفي انها مرسيدس وسعرها في حدود 280 – 290 الف اظن

   اناا اقولج المرسيدس احسن لج خصوصا الـ E لانها بنوتيه

3. اذ تبين سيارة مميزة وسعرها قريب هالاسعار.. خذيلج همر!!!

   صدق بتكونين متميزة..

   واذا كلش كلش… خذيلج جمس بيك آب

4. فور ويل حلوه الاكس فايف اما صالون لكزس 460 لارج بتستانسين عليها

5. لكزس 460 والا مرسدس 500 وبسسسسسس

   وانت تبين فورويل خذي لج اكس فايف او انفنتي تناسبج

Comments are closed.