هذي صور السيارة
وطريقة حجزها كالاتي
ترا السيارة انشرت باسمي وبتوصل في حدود الشهرين
الي بيحجز بيروح لمعرض انا بطرشه عليه ويخلي عربون هناك بقيمة 5000 درهم
وقيمة السيارة تكون 140 الف نهاية
وكل مازاد العربون بنقص من قيمة السيارة بس زيادة بالخمس الاف والي يقول ضمانات تراني ماضمن شي والفلوس بتكون في المعرض والمعرض يعطيك صك استلام عربون لتاريخ معين وماعتقد في معرض بيسكر بابه ولا بيخرب بيته علشان 5000 الف او حتى 500 الف درهم لان المعرض بروحه في العوير يسوا عشر ملايين خلو بدون رخصه و بدون سيارات
السيارة نظيفة وانا اعرضها للبيع علشان نفس هالالوان وايدين يتصلون فيا ويبونها فانا ماتصل فيهم واحد واحد انا فقط بعرضها هني
السيارة نص الترا وكما تشوفون فيها تلفزيونات تركيب وكاله هناك الي تتعاقد مع شركة للتركيب شرات الفطيم في اخر دفعه وفيها نظام وايرلس وفهيا 4 مفاتيح وماشيه شوي بعد يمكن في حدود 32000 ميل بس بتأكد اكثر لما تجي باقي الاوراق
والسعر الي حاطه وااااااااااااااايد اوكي والراي للي يعرف
المهم عن العربون ترا الي بيدفع اكثر فيها هو الي بسجل له رصيد دفع عربون ومن اليوم لين تاريخ اخر يوم 5/2/2008 اخر اتصال
وبيكون مرفق معاه الصور الي هنا عليه ختم المعرض والبيانات بتكون في الايصال
ملاحظه : انا اول مره اجرب اعرض نفس هالمواضيع والحمدلله اني جبت لناس في المنتدى سيارات بفلوسهم وهم مايعرفوني بس ماذكرت هالشي وبخلي لهم هالشي ولكن في حال ان حد مس سمعتي بشي من الشك ترا اعتبرو الموضوع هذا ملغي وماله داعي حد يذكر شي منه وان شاء الله يوم توصل السيارة بحطلها صور هنا
وفي النهاية السموحه من الجميع لاني اخاف احط هالموضوع هني فعلشان جي شوي اسلوبي تغير في العرض ومابا سمعتي تخيس بعد ما الكل يعرف عني بهالسيارة من الفريج لين الربع لين المنتديات
مبروك للي اشتراها
واظن ان له الحريه فالتصرف فيها
والسموحه
على بركة الله