السلام عليكم والرحمه
شحاالهم
المهم يا اخواني
صراحه منا تعبت من لكزس LS430 ومنه امووت فيها
لكن الله مصبرني عليها
يخرب بيت الوارد كيف يتعبك
بس لما يكون صاحي ميه بالميه تموت فيه
المهم
يا اخوان
مشكلتي مادري كيف
هل هيه عين ولا شو مادري
المهم قبل شهرين كان المكيف 100% ما شاء الله عليه
لكن قبل ايام قليله
بدا عندي الكمبريسر و اخترب
ويبت كمبريسر يديد نقع وكاله 2900 نووط تنطح نوط
سرت ركبته
للموتر
اشتغل ويايه يوم ونص
الكمبريسر شغال ميه ميه
لكن المشكله ان الكمبيوتر الخاص باللكزس
ما يخلي التبريد
لنه في خاصيه وهيه التكييف التماتيك يعني اذا الجو بارد بارد ع طول يحول و يبند الكمبريسر
يعني بالعربي الشغله
خبصه كمبيوتر و يباله تضبيط و تبطيل التماتيك هذا ويخليه ع البارد دون تغييره و تبنيد الكمبريسر
المهم
يا اخوان اليوم سرت
للوكاله في الفطيم لكزس في الشارقه وقالولي ما يصلحون وارد امريكا لانه سستمها غير وهم
هب متفيجين اييبون سستمها من امريكا عشان خاطر عيوني
المهم
بغيت منكم تنصحوني وين اشل الموتر
في مكان في الشارجه معروف عشان هالاعطال و خاصه اعطال الكمبيوتر الخاص باللكزس LS 430 2005
ولا تراني ناوي ابيعها و اخذ لي دراجه 
^_^
المهم
ساعدوني طولي بعماركم لاني تعبت الحين من خمست اياام وانا اصل عرق
مخلنها في البيت بلا حراك وكله ع الستيشن *_*
الحل يا اهل العون
بعد ما تصلح السياره اخوي خبرنا وين صلحتها وشو الشغل عشان الاخوان يستفيدون ….. جزاك الله خير
هذا بلاوي الوارد
الله يعينك .. قبل شهرين ما كان الحر بهالشكل الحالي
ما قصروا الشباب
اول شي سير عند كراج مكه
كراج مكه…مكانه… ورا مدرسه الشويفات _ الشارجه
المشكله شي تحويلات اتفر الراس…اسال وما بتضيع ان شاء الله
((( خل يفحص موترك ريال اسمه شاهد )))
سعره بيكون ارحم عن عثمان (( النصاب الاكبر ))) و ابو عمر (( النصاب الاصغر ))
واذا كراج مكه ما رام على مشكلتك
اتوكل على الله وسير عند عثمان (( الله يعينك على الفاتوره )))
تحياتي
عثمان و بو عمر (( اخوان ))
خلهم اخر شي
الغالي روح دينا تريد فالشارقه شغلهم احسن من الوكاله ميه ميه