لكزس Ls430 ومشكله الكمبيوتر و الكمبريسر *_*..!

22 thoughts on “لكزس Ls430 ومشكله الكمبيوتر و الكمبريسر *_*..!”

1. حبوب ابوظبي ماعرف شو فيه الوارد

   انا استخدم اللكزس من سنين ولا تعبني والي اشتريت لهم ماتشكو منه وربعي شارين مني وايد لكزسات ولا تشكو من شي وعندهم الي سنه والي سنتين

   هدي هدي ترا الي يعرف للسيارة بيعرف لكل انواعها

   الناس وصلو القمر وصلحو سيارات وطيارات والحين جات على السيارة غير وسكان ومكينه مابيعرفون لها

   واذا واحد جانا من الهند مثلا كان مريض احنا مانحكم على باقي شعبه بانهم نفس الشي

   اسف على التشبيه ولكن ماعرف اضرب مثل اقوى

   واذا سيارتين من عشر سيارات اختربو مب معناته ان كلها تخترب والخليجي بعد فيه نفس الكمبريسور وتفس القطع وقابله للخراب ونفس الطريقه في التصليح

   والشباب ذكرو عباقرة الكمبيوترات وخبره في التصليح واحسن وارخص من الوكاله بوايد

   سير عند اي واحد منهم ولو ماطلع لك العله انا بييب لك موتر من عندي

   والله ماشاء الله عليهم بروحي شفتهم يحطون في بعض الاحيان سماعات الدكاتره علشان مافيكون شي ويطلع مب خربان

   وانا نصيحتي انك اتروح لابوعمر ورا مقبرة الشارجه وتراه خبره

   وسامحوني ماقصدت شي ولا نغزات ولا تعصبت لطرف

2. خبرنا شو صار معك؟

3. اخوي اتصل بمكة ..

   وان شاء الله مشكلتك محلولة

4. هلا اخوي

   نصيحة والكلام للسامعين

   افضل مكان متخصص وراقي واسعاره مناسبة للتعامل مع اللكزس الوارد وقطع غيارها هو :

   وكالة بهوان في البريمي

   الورشة متخصصة في اللكزس الوارد ، وفرع قطع الغيار معاها ايضا متخصص في اللكزس الوارد

   واسعارهم ما شاء الله في متناول الايد

   لا تروح يمين ولا يسار
   ولا تتعب حالك ولا تحتار

   لا بابوه ولا عثمان ولا حتى بن المان
   قبض الخباز خبزه وارتاح

   وعسى ربي يعينك
   

5. جرناس اخوي حالتك صراحة تصعب علي الكافر من زمان ونحنا نحذر من الوارد لكن الشباب ربعنا ما يسمعون ربنا يهديهم

   قلنهم شو تبون في الوارد قالوو لا انته ما تعرف شيء
   هذا هو والدليل انته

   يا اخي جرناس انته في الشارقة يمكن تحصل محل يقدر يصلحه لكن الي سكان في ابوظبي او العين او راس الخيمة وين يقدر يصلح الوارد اللكزس لانه يباله واحد مختص موب بنقالي اي كلام

   كتبت مقال من زمان عن الوارد اللكزس وحذرت اكثر عن 10000000000000000000000 مليون
   قلتلكم لا احد يشتريه ما سمعتو كلامي

   اخوي نصيحة مني لو صلحتها بيع السيارة وخذلك لكزس خليجي ولا احلي

   هذا مقالي قديم عن الوارد

   انا راح اتكلم عن اللكزس
   الوارد والخليجي

   انا مع الخليجي

   وضد الوارد حتي لو ببلاش

   نصيحة يا شباب لكل من حاب يشتري سيارة لكزس

   انه يشترى سيارة خليجية
   يمكن يزعل مني بعض الشريطية او اهل المعارض لكن كلمة الحق واجبة

   ويبعد خير شر عن الوارد

   نعم للخليجي لا لا لا للوارد

   لا احد يغتر بالشكل والنظافة

   عيوب الوارد كما يلي

   1- اغلب السيارات مدعومة ومشطوبة في امريكا فيها ضربة في الشاصي يعني غير صالحة للسير لكن ربعنا من ضعاف النفوس وتصلحها وتبيعها
   2- لا توجد لها قطع غيار متوفرة في السوق وتدور في الخارج وراح يطول لين ما يوصل من برا
   3- الخليجي يجي بدرجة حرارة مئوي والامريكي فهرنهايت وثانيا كيومترات بالميل
   4- ليتات السيارة تولع في النهار وكله ساع واحد ينهبك يقولوك طفي الليتات اخوي
   5- ترتفع دراجة حرارة السيارة لانها مخصص للاجواء الباردة
   6-يطيح من سعرها وايد عند البيع لانها وارد
   7 – شاشة العرض لا تعمل لازم يباله برجمة وراح تكلفك االالاف
   8- التواير ثلجية مخصصة للسير علي الثلج
   9- الوكالة ما تصلحه ابدا وراح يطردونك عند الباب ما يستقبلونك ابدا عاد راح للكراجات وما ادرك ما الكراجات مع البنقالين والنصب والاحتيال
   10 – ما يبرد في المكيف في الصيف وراح تحتاج اظافة قطع يمكن تكلفك 4 الف درهم ولازم تشيك علي الراديتر والمراوح بحكم الحراره العاليه في الخليج (فوق 50 د.م.)
   11- اكثر السيارات الوارد غرقانة بسبب اعصار كاترينا

   12- راديو السيارة موجة الا اف ام فوق 120 ما يجيبها

   13- التلفون السيارة لا يعمل

   14- الخ الخ الخ من بلاوي الوارد

Comments are closed.