السلام عليكم ورحمه الله وبركاته
اشحالكـم . .؟
عندي استفسار بسيط جدا اتمنى انكم اتفيدوني بشي
ابغي اعرف عن لكزس ls400
اولا:-
شو الفرق بين؟
مديل 1998
ومديل 1999
ومديل 2000
ثانيا:-
وايهما افضل من الناحية؟
المكينه
القير
البدي
السرعه
صرفيه البترول
ثالثا:-
والسعر المناسب لكل واحده منهم؟
اذا كانت السياره وايد نظيفه يعني كحد اقصى للسياره والمديل
اتمنى اشوف ردود اتفيدني
وشكرااا
الصراحه ما تقصر ياخيماوي
يعطيك العافيه
واذا بغيت تسال عن شي اي بعد انا حاظر ياخوي ..
وهذا رقمي ان بغيت 0507101801
وان شاء ما بقصر وياك في شي
صح كلامك الغالي اكثر شي هني الامريكي .. بس لو لقيت لك الماني خذه لو كان نظيف صدق
لانه الالماني مواصفاته احسن وافضل من الامريكي والخليجي .. يجمع مواصفات الاثنين
وحاله من حال الخليجي بحساب الحراره والكيلومتر وكل شي تقول خليجي بالضبط .. عكس الامريكي
فيه فرق شوي بينه وبين الخليجي ..
ومنها الامريكي اييك بشاشه ( والالماني ايي بشاشه بعد ) بعكس الخليجي ماشي شاشه ..
درجة الحراره بالامريكي طبعا فهرنهايت .. والعدادات بالميل .. والالماني حاله من حال الخليجي 100%
والالماني تراه يفرق عن الامريكي بزياده انه الليتات الي جدام عليها رشاشات ماي مثل الخليجي .
ومرات اييك تحكم بالمسجل والمكيف ورا في المسند الي ورا مثل الخليجي ( السعودي والبحريني بالتحديد ) >> مثل الـ430 فل الترا
ومن ناحية الشكل من 98 – 2000 نفس الشي ولا فيه فرق الا اشياء بسيطه ..
يعني مثل ما قالك اخوي الي قبلي في اول رد ان موديل 2000 الليتات فيه كرستال ..
وعندك حركة الليتات الي ورا تختلف شوي للي يركز فيها .. والشبك الي جدام فيه اختلاف بسيط ..
اما بشكل عام نسخ من بعض ونفس الشي 100 % ..
والقير والمكينه نفس الشي مليوووووونين % ولا يفرقووون موليه حتى بالكفرات الي عليهم من برا وتغطيهم هههه
والصرفيه واااايد حلوه ولا تحاتي .. وعن قطع الغيااار وااااايد متوفره والاسعار احلى واحلى ..
وبالنسبه للاسعار تفرق بين الموديلات ال3 على حسب المواصفات و وارد وين .. وفيها شاشه او لا؟
واللون من برا وداخل شوو .. لان كل هذا يلعب دور كبير.. واهم شي نظافة الموتر كيف؟؟؟
وعن الاسعار انا اشوفه اكثر شي يعني يوصل حده 40 الف درهم لموديل 2000 ان كان ابيض ومن داخل بيج ونظيييف
لاني قبل فتره خذت واحد موديل 2000 ابيض من داخل بيج من معارض الشارجه وكان ماشي 74 الف ميل .. خذته بـ38 الف درهم ..
وقبل ما تشتري شي كان معرض ولا غيره لو حتى من ربيعك .. ود الموتر وافحصه .. فحص شاااااااااامل بـ250 درهم
لا يقولك والله فحص محل نعرفه او مادري شو وادفع 150 درهم فحص كمبيوتر وما يطلع كل شي
لو انت في بوظبي وده فحص ادنوك خلهم يسوون فحص شامل بـ250 درهم ويفصخوون الموتر كاااااااااامل قطعه قطعه ..
او وده فحص الشارجه في قرية التسجيل .. فحص الشامل بعد واااااااااااايد اوك .. وبـ250 درهم ..
غير هالاثنين ما يدخلون مزاجي ..
وموفق لكل خير ان شاء الله .. واذا عندك اي استفساار حاظرين يالغالي ..
تسلم اخوي ع الرد ومعلومات الي فادتني
بس الموجود بكثره الامريكي
ونفس الحاله ف gs400
ولا غير
انا ابي اعرف كل شي عن الامريكي شو هو بضبط
اذا نويت اخذ ع شو اركز اكثر شي
وكم اسعارهم تقريبا كحد اقصى ؟
بسم الله الرحمن الرحيم
أولا أخوي العزيز بخصوص الموديلات مافي فرق امبينهم بتاتا ماعدا موديل 2000 يفرق عنهم شيء بسيط جدا الا وهو الاسطابات الامامية ( الكشافات ) من نوع كريستال
ثانيا : بخصوص القير والماكينة نفس الشيء ومافي اي فرق بسيط حتى
ولكن للعلم أخوي العزيز طبعا في فرق من ناحية البلد المصنع يعني عندنة اربع انواع 1_ خليجي 2_ وارد يابان 3_ امريكي 4_ ومن احسن المواصفات والكماليات وارد المانيا
ثالثا: بخصوص الصرفية فلا تحاتي نهائيا حتى من ناحية قطع الغيار متوفرة في كل مكان وبرخص ..
اتمنى اني قدرت اوصل المعلومة بشكل مبسط والاخوان ما بيقصرون وياك ان شاء الله
تقبل مروري : أخوك / محمد المازم