السلام عليكم اخواني و خواتي بغيت احذركم من التعامل مع هذا العضو lostracing
انا اتعاملت ويا وايد اعضاء في هذا المنتدي من حريم و ريايل و كلهم و النعم من المصداقيه و التعامل و الاخلاق
اما هذا العضو lostracing مع الاسف طلب مني طقم من شهر و من اول يوم طلبه انا ما قصرت علي طول اتصلت حق المندوب ويا خذ الطلبيه و تمت عنده لمدة اسبوعين بعدين خبروني ان الريال ما يرد عليهم و عقب انا اتصلت فيه قالي والله انا كنت مسافر يوم انك اتعرف انك بتسافر اشحقه تتطلب و المشكله ان نفس الاطقم بنتين بغوه و انا اقولهم لا في واحد جاد قبلكم طلبه و البنات كانو بيدفعون كاش و هذا انا ما طلبت منه حتي يطرش لي الفلوس عشان اضمن حقي اول شي و اطرش له مسجات و علي الخاص و المشكله ان يوم اشيك عليه متي اخر مره دخل المنتدي يكون قبل ٣ او ٤ ساعات يعني قرا الرسايل الخاصه يوم انك مب كفو ليش تتطلب و شركه التوصيل يقولون لي يوم نتصل فيه يقولنا انا في اجتماع و لا انا مسافر و لا انا مشغول عقب اشوي اتصلو و يوم يتصلون فيه ما يرد
مشكله يوم الواحد يدفع التوصيل مقدم و واثق من الشخص انه بيستلم الطلبيه والله لو ما عنده فلوس والله بتفهم و بقول برايه المشكله يوم اتصل فيه يقولي لا لا انا احين برد عليهم و علي هاي الحاله احين كلمنا شهر و اسبوع
اتمني تحذرون و ما طيحون في نفس الغلط انا خسرت ٢٥ درهم ما التوصيل و من غير زبونتين و هذا الشخص لا ذمه و لا ضمير ولا مستحي شو خليت حق الغريب يوم انته ولد البلاد و جيه ما شي مصداقيه
اسمحولي انا ما احب اشهر بحد بس والله هذا مب اسلوب حضاري يوم ما عندي فلوس ولا ما لي نيه ادفع ما ببهدل عيال الناس ويايه و اتم اجذب شكله متعود علي الجذب
و السموحه
ام عبادي و حسوني اختي انا ما ذليت عمري لحد اللهم لك الحمدالله و الشكر بس اذا انتي تميتي علي هاي الحاله الكل بيستغلج و بيقول شو يعني هيه بتدفع السالفه مب سالفة ٢٥ درهم السالفه هيه ليش الجذب و الصدمه العوده انه ولد البلاد
وانا مب حارقه اعصابي بالعكس انا بغيت احذركم منه لان مثل ما طلب مني باجر يمكن يطلب اغراض من حد ثاني بقيمه اكبر و يوهق التاجر
في المنتديات الثانيه والله اي عضو مثل هذا العضو علي طول يحطون اسمه علي العام عشان التجار ياحذرون منه
و لانه يعرف عمره جذاب و يخادع ما يرد علي الرسايل و يدخل المنتدي لمجرد دقايق و يطلع ليش هذا كله والله لو من البدايه يا ام عزوز اسمحيلي ما عندي فلوس مب مشكله
و علي سالفه التوصيل انا شكلي بسوي مثل ما قالت الاخت Gift-Guru.net باخذ قيمة التوصيل عن طريق تحويل الرصيد ما شي الا جيه
الله يهديه ويصلح ويصلح جميع التجار والمشترين آميييين
لازم الواحد منا قبل لايتاجر يعرف أحكام وفقه التجاره علشان ماياكل حرام ويغش الناس والمصداقيه مهمه في التجاره علشان الله يبارك لك في مالك .
السـلآم عليـكم . .
الله بيعوضج بالحلال ان شاءالله . .
وعسى ان تكرهوا شيئاً وهو خيراً لكم . .
وماضاع حقاً من وراه مطالـب . .
دمتي بود
=)
ارجوو الا مروو بمثل ها التجربه يخبرونا علشان نحذر منهم