السلام عليكم أخواني ….. حبيت اشارككم تجربتي بعد شراء هاتف اي فون …
اليوم رحت اتصالات ابوظبي الرئيسية و سألت عن الاي فون قالو لي بتنزل دفعه باكر فاللى في خاطره التلفون يروح من الصبح عسب يحجز واحد …. و لكن انا حصلته اليوم في اتصالات مركز مدينة زايد و اشتريته…
ثاني شي انتبوا اخواني للموضوع التالي :
طبعا اللى بيشتري التلفون بياخذ وحده من الباقات الموجوده ..ز وطبعا احتمال كبير ياخذ الباقة الاولى عشان يقدر يلغيها بعدين و يدفع 300 درهم زيادة … للى الأن الموضوع سليم و كله تمام
بس اذا خذيتوا رقم جديد ويا التلفون بتدفعون 100 درهم رسوم اصدار بطاقة مايكرو للرقم … وهذا شي طبيعي بعد و عادي .. بس بعض الموظفين في اتصالات ياخذ 100 درهم و يعطيك بطاقة عادية و يقولك بعد نص ساعة تعال و بحولك الرقم لبطاقة مايكرو و ادفع 25 درهم … هذا الكلام غير صحيح مفروض الموظف يعطيك البطاقة المايكرو على طول و بمقابل 2500 للتلفون و البطاقة … فلذلك انتبهو … و تاكدو ان بطاقتكم مايكرو
الموضوع الأهم أخواني … قام احد الاعضاء بطرح موضوع عن بيع اي فونات لونها أبيض و صار جدال كبير في موضوعه و قام يهدد و يتوعد اللى كذبوه .. المهم … انا إتصلت مبشرة الاسبوع الماضي في ابل بريطانيا و امريكا وسالتهم عن الاي فون الابيض قالوا لي بعده ما نزل و يمكن يأخروه لأخر السنة …. لذا وجب التحذير أخواني و أنا ذكرت في موضوع هذا الاخ انه بعض السيريلات تمت سرقتها من ابل و الخاصة بالاي فون …. و الصين اتبيع كوبي مثل الاصلية و لون ابيض بعد ….. و للتأكيد على كلامي رحت الاسبوع الماضي لمكتب اتصالات في الامارات مول و سألتهم عن الاي فون فقالوا لي ياتهم كمية و سحبوها لأن السيريالات مالها فيها مشكله .. يعني مسروقة و لا يمكن تفعيلها …. فإنتبهوا اخواني قبل لا تشترون من اي حد و خصوصا الابيض تاكدوا انهم نزلوه من ابل ….. هذا للتنبيه .. و انا قلت للاخ االى طرح الموضوع اذا جاب تلفونات بيضا اصلية من ابل .. بقدم له اعتذار رسمي في المنتدى لكن يجب التاكد منها من ابل …. و السموحة على الاطالة ..
اللى يريد اي استفسال في هذا المجال يسألنى و انا حاضر ……
بالنسه لاخ اللى ينتظر المدفوعه …. ليش الانتظار … الفرق بين الاثنين بس 200درهم … طبعا المفوعه ارخص … يعني روح و اشتري الباقة الاولى في اتصالات ب 2500 ( طبعا السعر يشمل بطاقة جديدة ) و ثاني يوم روح الغيها ب 300درهم بيكون السعر الكلي 2800 درهم .. اما بالنسبة للمدفوعه بيكون ب 2600 درهم بس … يعني الانتظار ما يسوى
هيه اخوي … التلفون مفتوح رسمي من اتصالات ولا دو و يشتغل على اي بطاقة في اي دولة …. بالنسبة للجيلبريك انا ما احب استخدمه…. لانه يبطئ الجهاز ….. و اللى سمعته إنك لو نزلت الجيلبريك للتلفون و اخترب ووديته تصالات و لا دو للصيانة ايضيع الضمان …. بس ما متاكد من هالكلام .. على ذمة اللى قالي ….
شـكــ وبارك الله فيك ـــرا لك … لك مني أجمل تحية .
شكرا لك أخوي يعني لو أشتريت التلفون من اتصالات او دو بيكون مفتوحة الشريحة لأي شبكة في العالم صغيرة.
و بالنسبة للجيلبريك بس أحدث الجهاز من الأيتونز الى ال4.1 و بيطلع برنامج السيديا بروحه؟.أعذروني على الأطالة و بارك الله فيكم جميعا
الحمدلله والصلاة والسلام على رسول الله وعلى آله وصحبه أجمعين