السلام عليكم و رحمة الله وربركاته يا اعضاء المنتدى و هذا القسم ..
لي فتره طويله ما شاركت معاك لــكن اليوم ياينكم و عندي مشكله ابغيلها حل لاني توهقت و راسي انفجر من التفكير في كل مناسب لي و يخلصني من هالبلوة ..
المشكله كالتالي
انا عندي موتر اشتريته ب 176 الف درهم سنة 2008
المهم من فتره قيمولي السياره في الوكالة و قالوا بيشترونها عني ب 85 الف فقط ؟؟
اللحين انا ابا ابيع السياره و باقي من القرض 133 ألف درهم و قيمة السيارة 85 الف على حسب الوكالة .. يطلعلي فرق 48 ألف .. عشان افك رهن السياره لازم ادفع الفرق اللي هو 48 ألف وانا ما عندي من هذا المبلغ إلا 20 ألف .. واذا فكرة اخذ قرض ثاني عشان اسدد الباقي 28 الف بتطلع على السياره اليديده اللي ابغي أخذها اكثر و جذي بتزيد على القروض وانا ابا ابيع السياره لاني ابا اشتري سياره قيمتها اقل و اخفف من الصرف والقروض اللي علي ؟؟ 
ف حد منكم عنده حل يقولي ؟؟ او اذا حد فيكم كان عنده تجربه نفس تجربتي يخبرني كيف حل مشكلته ؟؟
وبكـــون شاكر لكم
تحياتي لكم جميعاً
اشكرك على مرورك – فكرت فيها و برد افكر في كلامك اكثر و بشوف ..
انته بكل الحالات خسران
مثل ما قالك تحت التدريب
خلك على الموتر ومد ريولك على قد لحافك
لكن بنسبه لحل المسأله قانونينا
انته عقدت الصفقه في وقت كان القانون ساري المفعول
اعتقد تقدر تتطالبهم قانونيا
بل الحق هذا
لكن ما انصحك لانه بتتبهذل لانه يبالك فتره من شهر او شهر ونص
لين ما تخلص امورك
نصيحتي لك خلص القرض الي عليك
وبيع السياره
بعدها خذ الموتر الي تباه بتوفير وكاش
واصبر لا تستعجل
وممكن اعرف شو هل الموتر .؟
جرب تعرض الموتر في المعارض … اتوقع بييب سعر اكثر من الوكاله
واخوي دامك تبي تخفف المصاريف … ترا فكرة الموتر اليديد بتخسرك اكثر
وانت احسبها …. خسران في بيعة موترك وبتتدفع 48 الف زياده على بيعه الموتر
,,,,,,, خلك على مينونك لا اييك اين منه …… وال 20 الف خلهم لمصاريفك والحاجيات
هذا رايي الشخصي … تقبل مروري
البنك مشكلتهم غيروا قوانينهم و قالوا ما عندهم تكملت اقساط اللحين اول لازم ادفع و بعدين اللي يبا يشتري السيارة البنك بشوف اذا بيقبلون يمولون له السيارة
الله يعينك اخوي
حلك الوحيد ان حد يكمل اقساطها
تدفع العشريين للبنك بتبقى 113000
بس تلاقي حد ياخذها باقساطها قبل عن تدفع الفلوس للبنك.
يعني عرضك بيكون تكملت اقساط 113000
موفق