السلام عليكم ورحمة الله وبركاته
اخواني انا كتبت ها الموضوع مب عشان اراويكم شو صار
لا بس حبيت ااكد لكم ان هااي الفئة وللاسف موجودة وللحين موجودة
ومسلسل النفاق والنصب مستمر
اخواني انا مابا ردكم بسالفتي لان الرد معروف والله فوق والحمدالله اعطاني حقي
قبل شهر بالضبط شفت موضوع للاخ e7sas
وكان ناوي يبيع سيارات لكزس
المهم اتصلت له وقلت انا ناوي اشتري من عندك وتفاهمنا ع السعر وكل شي
المهم طلبت اجازة من الدوام وسرت له دبي
ويوم سرت اتصل واتصل واتصل
ولا حياة لمن تنادي
المهم تجاوزت عدد المسكولات فوق 140 مس كول
وليومكم هذا مايرد على اتصالي
وطرشت له مسج هنيه وبكل ادب قلت له اخوي انت مارديت علي ممكن اعرف السبب
قال سوري اخوي انا مب راعي ها الرقم انا ربيعه بس مب انا راعي الرقم
وليومكم هذا يدش المنتدى ويشارك ومايدري انه بحركته هذه نزل من مستواه وامام اعين الناس
الحين لو كنتو مكاني ممكن اعرف شو تقولون
بتقولون قول الله يسامحه
اوكى انا اقول الله يسامحه
بس كتبت هالموضوع عشان اقوله ان ربه اعطاني سيارة لكزس احسن من سياراتك كلهن
وصدقني ولا سيارة لكزس من الي عندس تحمل مواصفاتها
بس حبيت اقولكم يرجى التأكيد للبايع قبل ماتطلبون اجازات ع الفاضي ويروح يومكم ع افاضي
وشكرا
السلام عليكم
يا اخوي اي سيارات لكزس انا عرضتهم للبيع
ولا مره عرضت سيارات من نوع لكزس في المنتدى الا مره وحده ومحد تجاوب مع الموضوع وعن انك تتصل فيني وما ارد عليك هذي انا استغربت منها..!
انا رقمي 5202043 محد دقلي يستفسر عن لكزس او عن سياره
وبالاصل انا مدري انته عن شو تتكلم ..!
ارجو انك تتأكد وترد لي خبر ع الجوال
اخوك احساس
ملاحضه:: ارجو من الاخوان الذين يتهموني في الموضوع وضع رابط السيارات التي انا عرضتها و وضع رقم الهاتف الذي وضع في الموضوع
بصراحة شي يقهر وانا مقدر موقفك
بس مب زين التشهير…
تحياتي
الله عوضك بخير
وعند الله مايضيع شي
ووكل الله عليه
ضاعت المرايل في الوقفات البسيطه شو خلو حق الصعب
الفلوس تغر عيال الحرام والريايل ماصارت تربطهم كلمه
والله ياراعي ابوظبي الخير عندك وعندنا انته استوتلك في السياره وانا في الاسهم انا اتصلي ريال من المنتدى وكنت مسافر قالي ابا اشتري الاسهم قلته انشاء الله اول ما ارد قلت له يومين بس قال انشاء الله وصلت وسويت له واتفقنا على المبلغ والموعد وما يا قلت يمكن انشغل باعطيه يومين واتصلت له عقب كم مره يوم شفت ما رد علييه خليته واتصل عقبها ريال واشترى