بسم الله الرحمن الرحيم
السلام عليكم ورحمة الله وبركاته…
حبيت اعرض عليكم صور رحلتي الى جمهورية الجيك ارجو ان تنال اعجابكم بس قبل ما اعرض الصور حبيت اخبركم بعض المعلومات عنها اللي جمعتها في رحلتي
اول شي وبخصوص العنوان انا رحت هالبلاد واشوفها لشباب لانها مافيها مناطق للعائلات مافيها سواح عرب غير الشباب
المنطقه الوحيده اللي فيها عرب ( كارلوريفاري ) وهذي تبعد عن العاصمه ( براق ) مايقارب اربع ساعات بالقطار وابرد عن العاصمه وقريبه من المانيا فيها عرب بس لانها منطقه جميله وهاديه للمرضى معظم روادها مرضى وعائلات المرضى في منتصف هذه المنطقه ماتدخل السيارات لانها منطقه لراحه فقط مايبون حشرت السيارات ومايبون يزعجون المرضى وفي نفس هالمنطقه يوجد مطعم عربي وشيشه بعد يعرفون عوق العرب ^__^ …
الجيك بالنسبه لطبيعتها فيها طبيعه جميله وجوها بارد طول السنه تقريبا وفي الشتاء ثلوج عكيف كيفك
ومن ناحية الناس هناك محد له خص فيك لا وطيبين وايد من تقولهم دبي يتخبلون ويرحبوبك
ورخيصه وايد هالبلاد
الكلمه الوحيده اللي مانسيتها لين اليوم هيه ,,,,, اهوووووي يعني مرحبااااا
اتركم مع الصور
هذا اللي واضح في الصوره متحف براق في وسط العاصمه 
هذا بعد في براق 
هذي صورت معلم مكانه في ساحه عوده فيها معالم تاريخيه 
هاي براق من فوق 
هذي مسمنها الانعكاس شير طابعه في النهر طبعا يوم انصور نبدع احم احم
هاي براق العاصمه هذا شارع توم فيه الحشره والحركه وفيه محلات وايد ماركات وغيره
الصبر زين في صور ثانيه
اظن 54 مشاهد وحليلها ويزاها خير الاخت المستقبل المشرق ردت عليه حشى مب طالب شي رايكم بس
رايكم ببلاش من دون رسوم يعطيكم العافيه !!!!!
^_____^
مرحبا الشيخه طال عمرج ما تكلف وايد رخيصه هالبلاد شوفي :-
انا مسافر على الطيران النمساوي
بصراحه خدمه طيبه وفخمه نفس طيران الامارات قيمة التذكره اكونيمي طبعا ^_^ 2700
السكن في شقق فندقيه الغرفه 400 درهم في اليوم
اجار سياره اليوم 150 السياره نوعها سيات صغيرونه
واسعارهم رخيصه وايد شرات اسعار بانكوك تقريبا بس بالنسبه للجو اسمحيلي بانكوك صفر على الشمال
وتعتبر من ارخص البلدان الاوربيه
يعطيج الف عافيه
ماشاء الله مكان جميل والطبيعه اللي فيه رائعه جدا
تعيبني الاماكن اللي فيها ماي وخضره وتبعد عن الزحمة
شكرا لك أخي الكريم على موضوعك والتصوير جيدا والصور واضحه
بس ماخبرتنا كم تكلفة الرحلة والاقامه وشو الحياه هناك رخيصة ولا اسعارهم غاليه
هاي بعض الصور ارجو ان تنال اعجابكم والسموحه انا مب هاك الزود في التصوير في اشيا وصور وايد عندي بس طبعا خاصه وفيها الشباب مب حلوه احطها في المنتدى واذكر انها مب للعائلات بس بلاد جميله وشعب طيب ورخيصه بالنسبه لاوروبا ولكم جزيل الشكر
وفي انتظار راي الجميع
اخوكم بو حميـــــــد
هذي المنطقه ريفيه بس قمه في الجمال
هذي بعد صوره لريف من القطار
هاي منطقة الراحه والمرضى حليلهم قمه في الجمال منطقه هاديه ( كارلو ريفاري )
هاي بعد من صور ( كارلوريفاري ) مكان راقي
( كارلوريفاري )
