السلام عليكم و رحمة الله و بركاته
أنا عندي موترين (لكزس) من الفطيم. الموترين متوفرات و جاهزات للتسليم. كل ما عليك إنك تي و تاخذ الموتر من الوكاله و تتوكل على الله (عقب الدفع طبعا 
).
مواصفات المواتر.
الموتر الأول:
لكزس استيشن LX 750 موديل 2009 صفر كيلو متر، جاهز للتسليم اليوم لو اتفقنا.
اللون: أسود من الخارج، بيج من الداخل.
المواصفات: فل ابشن (الفطيم عنده نوع واحد بس من اللكزس ستيشن).
السعر: 310 آلاف. نقدا (تقدر تموّل، بس ما أظن تقدر تييب الموافقه اليوم)
الضمان: الضمان العادي اللي يقدمه الفطيم (غير شامل التأمين)
التسليم: في الوكاله، تسلم فلوسك و نكتب المبايعه و تستلم الموتر.
الموتر الثاني:
لكزس صالون LS 460L موديل 2009 صفر كيلو متر، جاهز للتسليم الأسبوع القادم إن شاء الله (الأثنين أو الثلاثاء).
اللون: عنابي من الخارج، بيج من الداخل.
المواصفات: فل ابشن، 5 كراسي .
السعر: 300 ألف. نقدا (تقدر تموّل، بس شوف البنك من اليوم)
الضمان: الضمان العادي اللي يقدمه الفطيم (غير شامل التأمين)
التسليم: في الوكاله، تسلم فلوسك و نكتب المبايعه و تستلم الموتر.
و هذا موقع الفطيم للي يبا يشوف المواصفات الداخليه و الخارجيه.
Lexus UAE
اللي له خاطر في موتر من المواتر، يطرشلي رساله على الخاص و أنا بتصلبه.
اللي عنده إستفسار، يطرحه في الموضوع، مافي داعي للسؤال على الخاص.
السموحه، ما أقدر أرد على الموضوع دايما، لأني في الدوام.
شباب، أدري بالأزمه الماليه الحاصله. فاللي عنده نصيحه يبا يوصلّي اياها بهالخصوص، تراها واصله، يعني الموضوع يتعذّره.
تحياتي،
بوحميد
بالتوفيق أخوي في بيعه السيارتين
الموضوع حلو و مرتب ما شاء الله
لكن آخر جملة كتبتها ماله داعي و حتى ردك الاخير على اللي خذ اللكزس من البريمي ! ،، اعتقد ان اسلوب البائع مهم جداً في عملية الشراء
لا تزعل و اعتبر كلامي نصيحة ،
عموماً اسعار جيدة ،،، موفق ان شاء الله
سعر ما ينلقى في اي مكان
الله يوفقك في بيعتهن
اسعارك جيده,,ان شاء الله بتواصل معاك اذا اخوي يبغي السيارات.
شكرا
موفق ان شاء الله