للبيع، سيارتين لكزس Ls460l و Lx570 صفر كيلو من الوكالة مباشرةً

19 thoughts on “للبيع، سيارتين لكزس Ls460l و Lx570 صفر كيلو من الوكالة مباشرةً”

1. مشكور ياخوي يا الغريافي، كلامك عسل.

   =====================

   للعلم يا جماعة الخير،

   بعض الأخوان تكرموا و سألوني عن المواتر إن كانت بليتة 2009 ولا 2008.

   أنا اللي حاجزنهن بليتة 2009.
   يعني إن اللي بيي يشتري، يجيّك الموتر و البليته، إن ما كانت 2009، لا ياخذ الموتر. يعني برد له فلوسه.

2. أخوي في البدايه أحب أشكرك على نصيحتك. كلامك على عيني و راسي.

   يقول الشاعر (فزاع)،
   بـارك الله في مــن اهدانــي عيوبــــي … واشكـره جــدًا علـى هـــذي الهديـــــه
   

   بس أنا حبيت أوضح شغله.

   أنا يوم كتبت هالجمله، كتبتها عشان أمنع نفسي من الكلام اللي ماله لزمه. ياخوي الأعضاء اللي في المنتدى مب كلهم سوا. في ناس ذهب، تحب الخير لغيرها و هذيلا يشكلون أكثر من 90%. و في ناس عافانا الله همها الأول و الآخر التخريب على الغير.

   مره من المرات بغيت أبيع موتر، تصدق إني تلقيت أكثر من إتصال، كلهم يالسين يقولون نزّل و نزّل. و يوم نزّلت للسعر اللي هم طالبينه، كل واحد قام يتهرّب مني. شو معناة هالشي، معناته إنهم مب جادين، يعني بس يبون يخربون و بس.

   ياخي السعر اللي أنا حاطنه أقل من الوكاله بـ 15 ألف. طلعلي واحد و قال إنه طلعها بـ أرخص.
   نفرض إنه فعلا حصّل هالجيمه، فأكيد مطلعنها بواسطه، فهل كل الناس عندها واسطه عشان تطلعه بهالجيمه ؟
   مادري والله، شو هدفه من الرمسه هذي. يمكن يكون قالها بحسن نيه، و بهالحاله، أنا مستعد أعتذر له جدام الكل.

   هل أنا مسؤول عن أسعار المواتر اللي في البريمي ولا موزمبيق مثل ما قال بن دبي ؟ (طبعا بن دبي ما يقصد)

   ياخوي، ادخل المواضيع المفتوحه في المنتدى، لا يمكن تمر على موضوع إلا و واحد من الأخوان داخل بس عشان يبخس بالبضاعه.

   أتفق معاك، اسلوب البايع مهم في هالشغلات. بس صدقني، و من واقع خبره، إن خليت كل من هب و دب يبخس ببضاعتك، بتخسر زباينك الجادين، لأنهم بيتأثرون بالرمسه الفاضيه.

   و فوق هذا أقول، السعر قابل للتفاوض.

   ما بضيف لان الاخوان وفو وكفو، انته ماقصرت وهذا اعتبره من افضل اعلانات البيع الي تمت فالمنتدى من ناحيه الترتيب والشفافيه والمعلومات الوافيه ، وحتى الكراسي قلت انهن 5 ، (اللهم لو صور جان كمل بس الحلو ما يكمل، والسيايير معروفه اصلن مايحتاج)

   ثاني شي منو في عمره قال ان الفطيم ارخص من بهوان؟ والله كفو عليك يوم انك تبيع ارخص عنه ب 5000 بس، هذا انجاز اعتبره فحد ذاته،

   في موضوع بيع سياره كان من قريب انا ما بقول اسمه، البايع عرض السياره تستاهل فالسوق عالراحه مثلا 100 الف، عرضها ب 70 الف، يعني اقل عن السوق ب 30 الف يعني المهم بسعر وايد نازل ولقطه، نظافه وسعر، عاد واحد دش الموضوع عرض وقال والله ياخوي ما ببخسك بضاعتك بس سعرك غالي ونحن في عنزه ماليه، اسف ازمه ماليه، ومن هالكلام، صاحب السياره عقب كم يوم قال انا هونت وبيود السياره لانها بخساره ومايابت سعر بعد.

   نط الريال بسرعه وقاله والله لو كنت تبا تبيع بسعرك الاولي الي هو 70 الف انا شراي وارجو التواصل معاي هذا تيلفوني 050 وبعدين 7 ارقام،

   وهذا كله عالعام، والناس تشوف، يعني في ذمتك ، هذا بيشتري ولا يالس يخسس ويبخس؟؟؟
   يعني انته تقرا الموضوع وتنقهر فمابالك لو انته الي تبيع، ؟ اونه اسم هالشي (اقتناص الفرص) و (التجاره شطاره)، ياخي عامل الناس كما تحب ان يعاملوك، عيب عليهم هالاسلوب.

   اسف عالاطاله
   الله يوفقك والله يسهلك بيعه ترضاها،

3. الموضوع حلو و مرتب ما شاء الله

   لكن آخر جملة كتبتها ماله داعي و حتى ردك الاخير على اللي خذ اللكزس من البريمي ! ،، اعتقد ان اسلوب البائع مهم جداً في عملية الشراء

   لا تزعل و اعتبر كلامي نصيحة ،

   عموماً اسعار جيدة ،،، موفق ان شاء الله

   أخوي في البدايه أحب أشكرك على نصيحتك. كلامك على عيني و راسي.

   يقول الشاعر (فزاع)،
   بـارك الله في مــن اهدانــي عيوبــــي … واشكـره جــدًا علـى هـــذي الهديـــــه
   

   بس أنا حبيت أوضح شغله.

   أنا يوم كتبت هالجمله، كتبتها عشان أمنع نفسي من الكلام اللي ماله لزمه. ياخوي الأعضاء اللي في المنتدى مب كلهم سوا. في ناس ذهب، تحب الخير لغيرها و هذيلا يشكلون أكثر من 90%. و في ناس عافانا الله همها الأول و الآخر التخريب على الغير.

   مره من المرات بغيت أبيع موتر، تصدق إني تلقيت أكثر من إتصال، كلهم يالسين يقولون نزّل و نزّل. و يوم نزّلت للسعر اللي هم طالبينه، كل واحد قام يتهرّب مني. شو معناة هالشي، معناته إنهم مب جادين، يعني بس يبون يخربون و بس.

   ياخي السعر اللي أنا حاطنه أقل من الوكاله بـ 15 ألف. طلعلي واحد و قال إنه طلعها بـ أرخص.
   نفرض إنه فعلا حصّل هالجيمه، فأكيد مطلعنها بواسطه، فهل كل الناس عندها واسطه عشان تطلعه بهالجيمه ؟
   مادري والله، شو هدفه من الرمسه هذي. يمكن يكون قالها بحسن نيه، و بهالحاله، أنا مستعد أعتذر له جدام الكل.

   هل أنا مسؤول عن أسعار المواتر اللي في البريمي ولا موزمبيق مثل ما قال بن دبي ؟ (طبعا بن دبي ما يقصد)

   ياخوي، ادخل المواضيع المفتوحه في المنتدى، لا يمكن تمر على موضوع إلا و واحد من الأخوان داخل بس عشان يبخس بالبضاعه.

   أتفق معاك، اسلوب البايع مهم في هالشغلات. بس صدقني، و من واقع خبره، إن خليت كل من هب و دب يبخس ببضاعتك، بتخسر زباينك الجادين، لأنهم بيتأثرون بالرمسه الفاضيه.

   و فوق هذا أقول، السعر قابل للتفاوض.

4. اعتقد ان هذه احد طرق التمويل الاسلامي للحصول على كاش – اسمها التورق – بحيث تشتري سلعه و تبيعها و تاخذ قيمتها كاش باقل من سعرها الاصلي – و هي طريقه اذا عملت بطرقها الصحيحه فهي شرعيه 100%. و هذه هي الاصح.

   موفق اخوي

Comments are closed.