للبيع ارض بمدينة الشيخ محمد بن زايد حوض 25

15 thoughts on “للبيع ارض بمدينة الشيخ محمد بن زايد حوض 25”

1. صلو على النبي يا جماعه و اذكرو الله …. ما في حد بياخذ غير نصيبه و الله يو فقنا جميعا…

2. ما دام العقار معروض في المنتدى، فمن حق أي عضو وضع سعره ولكن بالمنطق .. والسوق يا أخواني عرض وطلب وما بين البايع والشاري يفتح الله واذا عجبك السعر كان بها .. ما عجبك السعر انتظر العرض الأفضل منه ..

   عالعموم سيغلق الموضوع اذا تمت المناقشات بهذه الطريقة واي شخص عنده أي موضوع للمناقشة باستطاعته فتح موضوع مستقل بذاته في قسم الاستشارات والمناقشات العقارية وليست في اقسام العروض العقارية

   الله يوفقكم جميعا

3. 1- اخوي انا ما ادري ليش انته زعلان مع انك مجرد وسيط

   2- انا مب يالس اقيم ولا اقول غالي ورخيص انا حطيت سعر الشاري مثل ما انته حطيت سعر البايع فقط لاغير

   3- انا حطيت السعر إلي اقدر عليه مثل ما انته حطيت السعر إلي تبيه

   4- ما ادري ليش انته ما خذ الموضوع شخصي مع اني لا اعرفك ولا اشتغل في مجالكم وكل ما في الموضوع اني بشتري اذا المالك موافق واذا رافض بين البايع والشاري يفتح الله بصراحه انا مادري ليش تزعلون يوم الواحد يقول رأيه ولا انته تباني ادفع إلي تباه وبس .

   5- انا مب ياي افتح مواضيع ، انته حطيت اعلان وانا حطيت عرض وسع صدرك يالطيب ولا تزعل واسفين واذا شفت اعلان يخصك ما بشارك فيه اتمنى اكون ريحتك نفسيا

4. هد اعصابك يالطيب إلي عطاك الحق تحط السعر على كيفك عطاني نفس الحق والسوق عرض وطلب ومثل ما تتوقع كلمة خير من الاعضاء نحن بعد نتوقع منك كلمه خير وماشي غصب وعلى فكره انا اشتريت ارض من قبل في حوض 20 على الشارع الرئيسي بـ 750 قبل سنتين . وعلى سعرك يعني الارض ترتفع 100 % كل سنه يعني انته تشوف ان عرضك منطقي وعروضنا هي الغريبه

   سبحان الله

   أخوي بارك الله فيك أول شيء أنا ماحطيت السعر من عندي هذا سعر المالك وفي نفس الوقت هذا السعر قريب من سعر السوق …..

   وأنا معك قبل سنتين كان سعرها 750 الف (( قبل سنتين )) وقبلها كانت باقل من هالسعر بكثير لكن هذا حال السوق يعني بالله عليك تبى السعر يظل من سنتين الى اليوم نفس السعر أو يزيد 200الف ..

   ياخوي على أيامك لما أشتريت كان السوق العرض فية بالهبل وفية ناس كانت تشتري بدل الأرض عشر أراضي (( قبل منع بيع أراضي المنح ))لكن اليوم عد كم أرض معروضة بالسوق في مدينة محمد بن زايد ….

   أخوي لو تكرمت إذا تبى تقيم الأرض أو تقول أسعار الأراضي الأن غالية أو رخيصة أو مبالغ فيها حط لك موضوع منفصل وقول فية اللي تريدة محد بيمنعك لكن في مواضيع الناس ماعتقد يرضيك حد يسوي كذا في مواضيعك ……

   وإذا لك خاطر تبيع الأرض اللي عندك وشارنها على أيام الرخص ب عندي لك شراي وماعندة مشكلة بيدفع لك بالأسعار اللي على قولك مبالغ فيها ….

   إذا بتبيع عندك رقم تلفوني …

5. السلام عليكم

   أخوي (المقياس ) لا تزعل من الرد المهم إنت عندك مالك وتشتغل بسعر المالك مايهمك في الباقي وصح كلام الأخ مرزوقي بس يبون يتسلون في هذا المنتدى

   أما بوصالح إذا عندك نصف ارض بالسعر اللي قلت عليه ليش مافتحت موضوع جديد وعرضتها بدال ماتخرب على زميلك
   و لا تزعل بوصالح أنا لاحظت هالشي أي زميل يعرض موضوع بالمنتدى إلا وتحرق سعره فرجاء إذا إنت جاد رد عن الموضوع في الخاص أو إتصل على صاحب الموضوع مباشرة

   إحنا زملاء في نفس المجال مش أعداء يعني لازم نساعد بعض يعني مايكفي السوق واقف بعد إحنا بنحرق أسعار بعض

   أتمنى التوفيق للجميع

Comments are closed.