هلا اخواني
حبيت احط هالمعلومه للاعضاء الكرام عشان يستفيدون
شي شركة تمويل سيارات تبيع سيارات مسترجعه
ودوم اشوف عندهم سيارات يديده وانا ساير درب بيتنا
وهالمره شفت مرسدسات فئة سي وفولفوات ووايد سياير وحبيت افيدكم بهاي المعلومه
مكانهم خلف البناية فالباركنات للي فيها معرض الهدف للسيارات فشارع الشيخ زايد علا امتداد شارع مزايا سنتر وسيفستوي وشيشة بدويه
بحاول اييب رقم تلفون الشركه لكن الشوف احسن من الصوت
انا ما عندي خلفيه عن السيارات لكن قلت بحط المعلومه واللي حاب يمر ويشوف بمكن يللقا شي يعجبه
ولا تنسونا بالدعاء
اخوكم
اسعارهم اغلى من السوق مرة سرت وحصلت سيارة عجبتني خذت الرقم من الورقة الي يحطونها جدام في الطبلون وسالت عطاني سعر اكثر من السوق؟؟
تعااال الغالي
اذكر بنك دبي الاسلام من سنة كان عنده سيارات مسترجعه
شو سوا فيهم نزلهم مناقصة مزاد بمضاريف مغلقة
خووفي لا يسوون نفس الحركة
هذا واجبنا
لكن اطمنك انا سئلت وطلعن مب لمعرض,, السيارات مسترجعه من شركة التمويل لعدم استيفاء القرض
تطمن بس لا تتاخرو لاني امس اشوفهم حاطين ارقام تستلسل عالسيارات
والسموحه
مرحبا اخوووي
ما شالله عليك كفيت ووفيت بوصفك
بس خوفس تطلع السيارات للمعرض ولا لشركة سياحه
المهم مشكوور على المعلومة والله يبارك فيك
وانشالله بنستفسر عن الموضووع
وشكرا مره ثانية