السلام عليكم … اخواني وأخواتي أعضاء المنتدى والزوار الكرام …
وصل اليوم زيت زيتون فلسطيني أصلي 100% انتاج شهر 10/2008
التنكة فيها 15 كجم صافي…. السعر : 450 درهم للتنكة
العرض ساري حتى نفاد الكمية واللي ما يعجبه الزيت يقدر يرجعه في نفس اليوم وياخذ فلوسه ..
للتواصل : بو أحمد 00971507811883 – أبوظبي
أشكرك اخوي على هاي المعلومات اللي أول مرة أسمع فيها… على العموم مع احترامي لرأيك ولمعلوماتك الزيت عمره ما يكون حامض بالعكس يكون العصرة الأولى مر …. وشكله مثل السمن وهاي العصرة الأولى … لكن مع نزول المطر والشجر يشرب من المطر بالتدريج يكون يتحول لون الزيت إلى اللون الأخضر الغامق … وفي حياته الزيت ما كان حامض ولا أصلا ينكبس زيت الزيتون … وموضوع زيت الزيتون يختلف عن موضوع الزيتون نفسه لأنه الزيت عمره ما ينكبس لكن الزيتون نفسه ينكبس ودرجة حموضته تتحكم فيها نسبة الملح والليمون وبس
هلا خوي
الزيت إلي يكون عصرة اولى ويسمونه البكر يكون حامض بشكل خفيف جدا جدا لدرجة احيانا يكون غير ملحوظ .. وهو يكون اول كبسة للزيتون ..
العصرة الثانية وإلي يسمى درجة اولى تكون ثاني كبسة للزيتون وتكون نسبة الحموضة قليلة جدا..
بعد ذلك يجي كبس شيء يسمى التفل يعني وهذا يكون اكثر حموضة .. وهذا يظل يكبسونه لين يذوب تقريبا ومع كل كبسة ترتفع نسبة الحموضة ..
وبعدين يجي عندك المكرر (مثلا يجمعوا التفل ويرجعوا يكبسونه) والمخلوط (ينكبس احينا مع النبات نفسه) وفي المغشوش .. إلخ
وينباع بالتنكة يعني إلي هي احجام 15 كجم او 20 كجم تقريبا … اظن الكيلو يسويله لتر تقريبا .. موب متأكد.
وإلي يميز زيوت فلسطين والأردن – الغير مغشوشة – .. إلخ إنها صناعة يدوية تقريبا مثل ما تسمى عكس المعاصر والمكابس الكبيرة إلي بإسبانيا وغيرها . المصانع الضخمة .. والزيتون بفلسطين والأردن وبلاد الشام إلي يكون غير مغشوش يكون زيتون طبيعي موب مضاف له مواد تزيد نسبة عصارته
واعتذر على الإطالة بس حبيت اوضح ..
لاني كنت سألت نفس السؤال إذا عصرة اولى او لا
هلا بوعبدالله… والله ياخوي ماقدر أقولك من أحسن كل حد يقول عن الشي اللي يخصه أحسن… انته تقدر تجرب وتحكم… وبشكل عام شجر الزيتون اللي يعتمد على المطر يكون أحسن من اللي ينروي باستمرار.. وتحياتي لك …
سبحان الله وبحمده سبحان الله العظيم…
الله يوفق الجميع اخوي بن عروة …
وهاي الموسوعة عن زيت الزيتون موسوعه كامله عن زيت الزيتون وفوائده وخصائصه
هلا بك اخوي بازار… معلومة بعطيك اياها وللإخوة الأعضاء والزوار.. يبدأ موسم قطف الزيتون عن الشجر في شهر 10 وبعض الناس يتأخرون لين شهر 11 على حسب المطر في بلاد الشام… وأي زيت زيتون ينباع في بقية أشهر السنة فيكون انتاجه في شهر 10 أو 11 من كل سنة…. يعني لو حد قالك هذا زيت جديد وكنا في شهر 3 أو 7 فهذا زيت قديم من شهر 10 أو 11 اللي قبله… وهذا الزيت اللي عندي جديد 100% ولو ما عجبك تقدر ترجعه وتسترد فلوسك… والله يوفق الجميع…