السلام عليكم ورحمه الله وبركاته ..
للبيع كاميرا SLR كانون 550D من اخر الموديلات اليديده
18 ميغا بكسل ومع تصوير فيديو full HD
الكاميرا عدساتها تتبدل وياها عدسه انا شارنها من غير الكاميرا ..
البيع راح يكون للعدسه والكاميرا في نفس الوقت
سعرا الكاميرا اليديده بس بدي 3200 درهم .. سعر العدسه 1600 درهم
المجموع 4800 للعده وهي يديده ..
البيع لأعلى سعر .. يبدا المزاد من 2500 درهم على الكاميرا والعدسه
الكاميرا في الكرتون والعدسه بعد .. مده الاستخدام شهر ونص والضمان ساري لمده سنه على العدسه والكاميرا ..
مواصفات الكاميرا
Canon EOS 550D digital camera specifications: Digital Photography Review
صور مأخوذه بهاي الكاميرا
Canon EOS Rebel T2i Digital Camera Sample Photos and Specifications
العدسه مداها 18-200مم يعني متعدده الاستخدامات .. تنفع لتصوير الطبيع وللزوم وفيها مانع للاهتزاز بعد ..
صوره للعدسه
ياخوي ليش اللفه هاذي كلها
حط السعر الي في بالك و شوف الشباب
لكن انك تحط سعر و اتم ترفعه هذا غلط و تفقد فيها مصداقيه البيع و صدقني ماراح تشوف احد يرد عليك
المهم انا حبيت اعطيك نصيحه من اخ الى اخ
تحياتي لك و موفق في بيعتك
يالطيب انا جاد في بيع الكاميرا والمزاد يبدا من 2500 وانا حاط في بالي سعر معين .. وصل السعر توكلت على الله .. ما وصل لي القرار اني اقيم عروض الشباب اذا تسوى الغرض ولا
..
بانتظار الباقين
اسمحلي اخوي خالد خلك جاد شويه في بيع الكاميرا
في الاول قلت 2500 و الحينه ثلاث و نص عطنا سعرك من النهايه
و اسمحلي اخوي انا عرضي الاخير 3000 درهم
اذا موافق راسلني
تحياتي لك
مده الاستخدام اقل من شهرين
اخوي الشباب يزيدون 50 درهم كل مره اكيد ما بيخلص المزاد ..
سعر السامان يديد 4800 وببيعه مستعمل لأعلى سعر فوق 3500