– (( للبيع نيسان فتك موديل 2005,, اللون ذهبي, فول اووبشن ,, بحالة الوكالة )) –

29 thoughts on “– (( للبيع نيسان فتك موديل 2005,, اللون ذهبي, فول اووبشن ,, بحالة الوكالة )) –”

1. اخوي هذا سفاري رقم واحد وكلهن فيهن هالمواصفات

   بهالسعر السياره تنباع في المعارض وبالتوفيق

   حياك اخوي في اي وقت

   ومرحبابك

2. بالتوفيق ان شاء الله

   منور بمرورك اخوي الكريم

   والله يوفق الجميع

3. اخلاق ياكبتن لو عميان مانعرف عن السياير مب مشكله بس هاي سعرها وهذا سعر السوق…..
   وبالتوفيق

4. والله يعطيك اخوي الكريم ونورتنا بزيارتك

   والسموووووحة من باقي الاخوة ,, لكن انتوا تشوفون الناس اللي ترفع الضغظ

   صدقك ردود ترفع الضغط

   اللي ما يبا يشتري لا يخرب عالريال و يقول أنا محصل أرخص و ما أدري كيف
   اللي محصل أرخص يسير ياخذ اللي حصله

5. السلام عليك حبوب

   شحالك

   سوري يمكن كلامي برع الموضوع

   بس حبيت اقولك حاول تعدل اسلوبك مع الاعضاء ولايكون ردك بهالطريقه ترا مثل ما قلت المنتدى متروس سيايير بنفس مواصفات السيارات اللي تعرضها

   بس صدقني ترا الناس تشوف راعي السياره وتعامله قبل ماتشوف السياره ونظافتها

   يعني انا حصلتلي كذا مرة الموتر يكون عايبني بس سعره شوي مرتفع لكن الريال اللي بايعني الموتر يكون تعامله راقي ويشجعك تتعامل معاه

   وصارتلي اليوم العصر بعد مع احد اعضاء المنتدى عرض علي سيارته مع ان سعرها مرتفع بالنسبه للسوق لكن اسلوبه فالتلفون كان جدا راقي وقلت بجامله وبشوف السياره وفعلا تلاقيت معاه اليوم وبصراحه ريال محترم جدا والله العظيم ان حتى ما فحصت السياره عدل وتوكلت على الله واتفقت معاه على نفس السعر اللي عارضنه بدون ما اناقشه حتى وباجر بخلص وياه

   سوري تكلمت وايد بس النقطه اللي ابا اوصلها لك ان التعامل والاسلوب اهم من السياره وسعرها

   واتمنى تكون وصلت الفكرة بدون زعل

   اخوك فهد

Comments are closed.