انفينيتي g35 كحلي رمادي موديل 2008 فل اوبشن ماشي 35000 كم
استعمالها قليل جداً كأنها توها مطلعه من الوكاله تشييكات اول باول كل خمسة الاف كم نظييييفه جدا
السياره مب لي لربيعي يبغي يعرف جم تسوى
حاليا لاتوجد صور

13 thoughts on “للتقييم انفينيتي g35 موديل 2008”

  1. مشكورين جماعة الخير على الردود وحبيت انوه وازيد ان الجلد الداخلي بيج ونافيجيشن وكاله

    والسيارة بدون حوادث وللامانه الموتر ماشي حاليا 34 الف وشوي يعني لما يكمل 35 الف كم راح اوديه تشييكته السابعه للوكاله

  2. اخوي اذا السياره بدون حوادث ونفس الحاله الي قلت عنها .. واللون ابيض او سلفر ويمكن الاحمر يوصل 91 – 94 الف للشراي الي حاب يستعمل ومايفكر يتاجر ابدا

    اللون الداخلي يلعب دور .. البيج مرغوب اكثر من الاسود ..

    اللون الخارجي اذا كان كحلي كحلي بينزل من سعر السيارة شوي .. اذا كان اللون الرمادي الي فبالي .. فهذا اللون حلو ومطلوب وبتحصل فيه قيمه

    اسعار المعارض فالشارجه اللون الابيض توصل 100 و 102

    السلفر نقص 3 الاف لـ 4 الاف من سعر الابيض

    الاحمر على 92 – 95 الف

    وممشاهن كلهن من 60 لـ 85 الف كيلو تقريبا

    ويمكن تحصل اسعارهن على 75 – 80 لكن الله لا يراويك فيهن صبغ فكل مكان وتتقرقع من كل صوب

    واذا تفكر تبيع على معارض لا تروح الا معارض الشارجه يمكن يعطونك فيها 80 واكثر .. معارض بوظبي مابيعطونك اكثر من 75 الف

    الكلام هذا عن تجارب سابقه

    وبالتوفيق

  4. على حسب الشراي اخوي التاجر بيدفع 65 واللي بيستعمل يوصل الى 80 وحسب لون الجلد الداخلي وفيها نافيجشين ولا لا

Comments are closed.