للجادين فقط
السلام عليكم ..
عدنا مرة ثانية وانا ان شالله بحاول اكون وسيط ( يعني دلاله بالمعنى الأصح )
بس اللي في خاطره رقم ( ماعدا أبوظبي ) لأن التنازل مب مضمون ، يكتبلي الرقم
وانا ان شالله بحاول اوفره بسعر مناسب .. واذا ماقدرت بخبر العضو اني ماقدرت
واللي بوفره بتواصل ويا العضو اللي طالب الرقم ونتمم الاجراءات ..
شروط عامة :
-
العمولة بتكون 10% من قيمة الرقم أو 500 درهم (أيهما أعلى)
-
أنا ما اشتري أرقام أو أقيم أرقام
-
في حال توفير رقم ورجع الشخص في كلامه وماشتراه يدفع 100 درهم لأني أتعب وأدور وآخر شي يقولون ابوي ماطاع اخوي ماطاع الرقم غالي (مع اني اتنازل عن عمولتي احيانا عشان اساعده في قيمة الرقم)
-
طريقة الدفع تكون عن طريق تحويل المبلغ عالصراف أو على الحساب البنكي وبعد ما يتسجل الرقم باسمه بطرشله الشهادة الأصلية سكان أو بالبريد السريع (واللي يقول شو يضمن لي ما يطلب لأني اتعاملت مع أعضاء واللي يبا يسألهم بعطيكم أسمائهم ) لأني ما انصب ولا أبا الحرام ولو باقي ريال برجعه لصاحبه
-
في حال رغبة أحد التجار بتلبية طلب لأحد الأعضاء عن طريق موضوعي باخذ نسبة 2% من قيمة الرقم
-
لعدم الاحراج ما أوفر أرقام بوظبي حتى لو صاحبها يقدر يحصل تنازل ..
وأشكركم على حسن تعاونكم
تسلمين اختي على المبذول بس انا حصلته ارخص ومثل ما قلتلج يمكن تعرفين اسم الريال الي عنده الرقم بسعر ارخص عن سعرج … بالتوفيق
بنت !!!
سبحان الله اضني القيامه قربت…
بنيه اطلع ارقاااام !!!
يالله بنيرب ختيه رقم دبي 565 اي كود ماعليج اماره …
وشكرا …
شوفي 75751 أو 55542
ومشكوره مقدما
مرحبا
سموحه من الأخت على المداخله الرقم هذا أخوي عند أربيعي ونهايته بعد رقم حلو وأنا ماأبى عموله كم سعرك من الاخير وبقوله وبييك الرد وبتوفيج
__________________
مبادرة طيبة منج
وأحسن شي انج وضحتي كل شي من البداية
اتمنى لج التوفيق