للعبره حق المواطن ها الايام

اخواني حبيت اني اكتب قصتي ويا نيابة عجمان و الكراجات الهنود والبنقاليه الحراميه

اخواني عندي سياره افلون مديل 2009 فيها حادث بسيط فا الواجهه الاماميه وصلحت السياره الحمد الله في كراج ريال مواطن بس مشكلته ما عنده كهربائي وبعد ما خلصة السياره من الكراج شليته لكهربائي عشان يركب اللمبات فا الليتات الاماميه ويوم وصلت السياره لورشه من الورش اللي في صناعية عجمان والعماله فيها بنغالي عطيته اللمبات وقلت له ركبهن وللعلم اني يايب السياره تمام وكل شي شغال ما عدا الليتات الاماميه بطل الليت الامامي وركب وبعد ما خلص طلع عندي ليت البطاريه وخبرته فقالي هذي ديلمة الجرج عندك خربانه يبالها فحمات فقال ببدل حقها فحمات وقفتالسياره عنده ورجعت له بعد ساعه ونص قالي السياره جاهزه ييت افتح السياره ما تفتح فتحتها منول با المفتاح وييت اشغل السياره ما شتغلت ولا حتى تاشر با الاشتغال ابدا فقط انوار الطبلون تولع فقط خليت السياره عنده وقلتله رجع كلشي نفس ما كان وبرجعلك باجر وروحت ورجعت اليوم الثاني وما في فايده فسالته شو بتسوي الحين قالي ماعرف بعد مشاده فا الكلام وحرقة الاعصاب فقلت له اوكي انا بودي السياره مكان ثاني بس اي شي خربان على مسؤوليتك قالي لا انا ما اتحمل شي يعني با العقل انا مودي السياره شغاله اميه با الاميه
واخذ سياره ما تشتغل المهم بمرور دوريه وقفتهم وخبرتهم با السالفه واعترف انه السياره يايتنه شغاله والحين ما تشتغل وما يعرف شو المشكله فا الاول رفض انه يتحمل تكاليف التصليح وبعد مشادة الشرطي له قال اوكي خلاص صلحها وانا بدفع التكاليف حملت الموتر على ركفري ووديتها كراج محترم فحص الموتر وصدمني انه الفيوز بكس تحت السكان محروق وهذا فيه الفيوزات وفيه الكمبيوتر مال المفتاح والبصمه وايد شغلات والفيوز بكس الامامي اللي بجانب المكينه بعد فيه كتوتات محروقه بس هذي بسيطه اهم شي البكس الداخلي المهم بطلي القطعه وسرت الوكاله قالولي ماشي تريا 20 يوم بنطلبه لك قلت بشوف مستعمل وحصلت القطعه الحمد الله وركبها وبرمج السياره والمفتاح وكل شي وسوالي فاتوره بقيمة 2500 والقطعه 500 المبلغ مايرزى بس التعب اللي تعبته ويوم وديتلهالفواتير ماطاع يدفع يقولي تبا 300 تخيلو بكل وقاحه يقولي مابدفع اكثر المهم سرت المركز وخبرتهم با السالفه للعلم ان الشرطي الاولي خذت اسمه ورقمه فا الامركز قالولي هذي قضيه مدنيه لازم تسير النيابه
بس احنا بنسير وياك عنده يمكن يقبلساروله وحاولو وياه وهزبوه بس بعد ماشي فايده يقولهم ما بدفع خله يسوي قضيه طلبو منه يدفع النص عليه والنص علي انا بعد ما طاع
ثاني يوم قلت بسير النيابه على ها القهر والتعب لو 10 دراهم بسير النيابه وسرت قبل عند الطباعين قالولي هذي قضيه مدنيه وكل يوم ها الشكاوي اتيينا من الكراجات بنفس الموال وفا الاخر انت بتخسر لان القضيه المدنيه فا البدايه اول جلسه بتدفع امية درهم فتح الملف واذا في جلسات ثانيه كل جلسه بتدفع عليها 400 درهم بس في حل انك تكلم رئيس النيابه وبيفتح لك بلاغ وبيطلبه سرت لرئيس النيابه مالقيته فحولوني على وكيل النيابه دخلت عنده والله ياجماعة الخير انه مارد السلام وخبرته با السالفه وبدون اي شي قام يزاعج ويقولي هذا القانون شو تباني اسوي حاولت وياه ماشي فايده كلماقوله كلمه يقولي هذا القانون شو تباني اسوي هذي قضيه مدنيه اقوله مابا قضيه بس اطلبه ايي هني يمكن شوي يهتز وهو معفوس ويهه ومعاند كاني ياي ابا صدقه من عنده
وفا الاخير طلعت انا الخسران والبنغالي طلع فاهم القانون ويعرف اني ما بروم اسويله شي فا المدني ماشي سجن وتعميم اضني يطلبون له لمزين عشان يحضر الجلسه واخر شي بيقول بدفعله 50 شهريا
اما لو كان اللي ستوالي استوا لواحد منهم جان ما يحتاي يسير ويتعنى بتيلفون واحد بس وموضوعه مخلص
ياجماعه استوا قانونا يحمي عدونا