السلام عليكم
قبل 5 سنين كان في مجال الواحد يدرس ماجستير وهو عنده دبلوم عالي بشرط يكون مستواه في الانجليزي عالي من غير المعدل بالاضافه تكون سنوات الخبره فوق 5 سنين في منصب إداري ..
طبيعة دراسة الماجستير تتطلب هالشي ..
حاليا لأنه جامعات وايده تم الاعتراف فيها .. قاموا ضغطوا في شروط القبول ..
بغض النظر عن كل هذا لازم الواحد يكمل بكالريوس عشان يقدر على دراسة الماجستير ..
ونصيحة بعد اللي ماعنده خبرة عمليه لايدرس ماجستير لأنه مابيستفيد وبيتوهق في الدراسه ..
بعدين في جامعات وايده ممكن تاخذ فيها بكالريوس في خلال سنه .. جوف الجامعة اللي حاب تدرس فيها ماجستير وكلمهم عشان البكالريوس .. وإسأل بعد إذا في إمكانية يكون في شي اسمه قبول مشروط .. يعني تدخل فصل ويجوفون مستواك إذا زين تكمل ..
to cut a long story short
هذا موقع التعليم العالي .. بتلقون كل الجامعات اللي تطرح برامج ماجستير ومعترف فيها في الدوله
http://www.caa.ae/CAAweb/DesktopModu…rograms_A.aspx
والله يوفق الجميع إن شاء الله 
اخوي مستثمر ظبياني اتمنى ان تكون بصحة طيبة
انا حاليا في بريطانيا في جامعه Liverpool John Moores University ادرس ماجستير أمن شبكات الكمبيوتر
اذا حاب تكمل في بريطانيا و في الجامعه الي ادرس فيها انا حاظر واقدر اساعدك بتوفير متطلبات القبول و رسوم الدراسة والمدة والطريقة و التفاصيل الي تحتاجها.
بالتوفيق اخوي
أخوكم بن مثنى
مرحبا
ما شاء الله .. ما توقعت هذا التفاعل مع الموضوع
المشكلة يا جماعة الجامعات وايد بس الواحد حرام يضيع وقت وماله في اي جامعة معترف ولا مب معترف فيها .. او جامعة جديدة اسمها ما يساعد
تدرون في الدراسة الوقت من ذهب
انا بعد بسوي بحث عن الجامعات اللي عندنا فالدولة واذا في جامعة تخليك تدرس الماسترز عالدبلوم العالي بخبركم
كل عام وانتم بخير
انا إلي اعرف داخل الدوله ما يصير تدرس ماستر لو ماكان عندك بكالوريوس ( باجلر ) ويكون المعدل فوق 2 . 50
بس برع يقولون يصير والله اعلم
ان شاء الله راح اتاكد من التعليم العالي بعد العيد
وتشكر على المعلومه