في سيارتي ,,وانا اقلب اوراق عملي ,,ذاهبه لاجتماع هام
,,
رميت برأسي للوراء قليلا ,,واغمضت عيني هروبا من الزحام
..
ومن شعور الغربه اللذي يعتريني
,,
حتى اصل الى مقر الا جتماع فرفعت رأسي حينما احسست بان السائق خفف سرعته
,,
وقرأت يافطه (على قولة اخوانا المصريين )مكتوب عليها للمواطنين فقط
,,
فطلبت من السايق ان يركن السياره ,,وانا اهم بالنزول فرحه بنظام هذه الشركه الجديد
,,
ان تخصص مواقفا للمواطنين فقط ,,وهم اقليه ,,وبحاجه الى مميزات تشعرهم بانهم ما زالوا على ارض الدوله
,,
وجدت موظف الامن يهرول بسرعه باتجاهي ويذكرني بان هذه المواقف للموظفين فقط
,,
وعندما رفعت رأسي لليافطه مره اخرى وجدتها كذلك (للموظفين فقط )
,,
فأنسحبنا بهدوء معتذرين
,,
وتخيلت لو يخصص لنا في كل مكان عام,, جزء لما شعرنا بخيبة الامل
,,
والاحلام ليس لها حد الا عنان السماء
,,
حلمت بان في الشارع سايد للمواطنين فقط ,,لا تزاحمنا فيه السيارات والشاحنات
,,
وحلمت بمركز تجاري للمواطنين ,التقي فيه بصديقات الطفوله وبنات عائلتنا واهلنا واصدقاء العائله
وبوجوه تحمل ملامح المواطنين فقط. وبرائحة القهوه العربيه,وبرائحة عطورنا فقط
,,
حلمت بدوائر حكوميه تخصص كاونترات للمواطنين فقط ينهون فيها معاملاتهم بسهوله
,,
كما حلمت بمصارف وشركات تامين تخصص موظفين وكاونترات للاستقبال,, للمواطنين فقط
,,
حلمت بمطعم ليس فيه كوتي ولا راجو ولا بابو
ولا ولا ولا ,,,,الخ
حلمت بمطعم يقدم اصناف بلدي, وبايدي اهل بلدي,, وزواره يحملون ملامحنا,, ويتحدثون بلهجتنا
ويحملون نفس الهموم ,,
..
كما حلمت بحديقه عامه يتمتع ابنائي باللعب على مراجيحها ,,
دون الانتضار حتى يأتيهم الدور من الف طفل يسلبون حق اطفالي في اللعب على ارض اجدادي
كدت اصرخ انا ابحث عن هوية وطني الضائعه
انا لست بعنصريه ,,انا فقط في حلم لي يوقظني منه الا
المدير الاجنبي اللذي استقبلني بحفاوه في شركه وطنيه ,,,
وطني انا انا وطني
,,
اختى الكريمه بنت السلطان
كلامى كله كان عن فئه معينه من المواطنين ،، وذكرت ها الشى بعبارة وحده ،، يعنى مب لازم اكررها بكل سطر علشان اوضح انى ما اعمم .
ثانيا اختى ابغيج تنظرين للدول الكبرى بالعالم ،، بتحصلين ان شعوب ها الدولة هم اللى بنوها ،، حتى لو بمساعدة بعض المساعدا الاجنبيه الخارجيه ،، بس يكون الاغلبيه للشعب نفسه ،، لأن الشعب ما يلس وارتاح واتكل على غيره ،، ما قال انا عندى بيزاات ادفعلهم خلهم هم يشتغلون عنى .
وبعدين لو تلاحظين ان بعض المواطنين اصحاب التجارة الكبيره او شركات المقاولات
او مكاتب العماله شو سووا ،، من الطمع اللى فيهم ترسوا البلاد من ها العمالة الاسيويه ،، ليش ،، علشان يدورون الرخيص والمواطنين ما بيقبوا بها الشى الرخيص .
على فكره
المسأله معقده جدا ،، واللى زاد الطين بله ارتفاع نسبة الطلاق فى الدوله
نحن كم عددنا علشان يتطلقون ؟؟؟ نحن نبغى اعدادنا تزيد ،، بس كيف بتزيد مع ارتفاع نسبة العنوسه والطلاق ؟؟؟!!!
انا حالى حالكم ،، حاسه ان هويتى راحت ،، وانى غريبه فى بلادى ،، واظنى انا كتبت قبل مره من فتره عن ها الموضوع ،، المعاناه من فقدان الهويه جدام الطوفان الاجنبى اللى اجتاحنا واجتاح عاداتنا وتقاليدنا .
انا ما انكر ها الشى ،، بس انا تكلمت عن الاسباب اللى وصلتنا لها الحاله .
والله يرحمنا برحمته ان شاء الله .
انا ما انسى يوم سألتنى وحده انجليزيه عيوز هو ورايلها وانا باحد السناتر كانوا اول مره يطبون البلاد وقالت لى وين اقدر اشوف اهل البلاد الاصليين !!!!!!!!!!!!!!!!!!!!!!!!!!!!!!!!!! قالت لانها من وصلت ما تشوف الا اجانب واسيوين فقط .
والله ان حسيت وقتها ان فعلا نحن خلاص انقرضنا ،، وقلت لها انا من اهل البلاد الاصليين واشرت على واحد كان بالصدفه مار من البلاد بالزى الوطنى وقلت لها وهذيلا هم الرياييل اللى من البلاد .
جان تقولى طيب انتى ليش لابسه اسود ؟؟ قلت لها لان هذا هو زينا الاسلامى .
الصراحه ،، كنت خايفه تقولى خلنا ناخذ صورة تذكاريه وياج ،، لان اخيرا حصلوا وحده من البلاد ،،،
لان حذتها كنت فعلا بحس انى شى اصبح تراثى لا اكثر ولا اقل فى بلادى من قلتنا فى عيون السياح .
لا حول ولا قوة الا بالله العلى العظيم
جنى طولت عليكم وطلعت عن الموضوع ؟؟؟
ياريت يتحقق هذا الشي ….
بس اذكرج ان في مواطنين من اصول اسيويه بعد لاتنسون والمشكله انهم مواطنين بالجواز لكن لايرمسون عربي ولايحزنون وهالفئه كانت نادره في الماضي او من المستحيلات الحين صارت منتشره في دبي والشارقه
يعني حتى لو سووا شوارع للمواطنين
المواطنين الاسيوين بيكونون ويانا خخخخخخخخخخخخخ
يعني
مكتوب علينا نتحملهم
وللعلم السعوديه منعت دخول البنغال لكثرة الجرائم والسرقه فليش مايمنعون البنغال والهنود هني لكثره جرائمهم وفي نفس الوقت لحل التركيبه السكانيه وهذا عذر مقبول نوعا ماا
البارحه سرت القريه العالميه وشفت طابووووووووووووووووووووووووووور كله هنود او معظمه قلت في خاطري كم بتريا وفجاه اشوف واحد من الموظفين المواطنين معلق بطاقه عرفت انه منظم او شي من هالقبيل سالته ما شي طابور للمواطنين ضحك ومسكين ما قصر دخلنا … يزاه الله خير وفعلا يا ليت هالاحلام تتحقق
مشكورة اختي على الموضوع والوطنية
وانا كانت عندي نفس الفكرة الا وهي
وجود كونتر في جميع الدوائر وخاصة مرور دبي
والجوازات . مكتوب عليها للمواطنين فقط .
شوي بنترتاح من الزحمة مب مجبور انا اني
اتحمل وانكوي بنار خلل التركيبة السكانية
لي مالي دخل فيها