للي سافر لندن وعنده خبرة

21 thoughts on “للي سافر لندن وعنده خبرة”

1. السلام عليكم والرحمه..

   انا انصحك انك ماتسير الفنادق الجريبه من اجول رود واللي اهو شارع العرب..في وايد اماكن وفنادق احلى وفي لهم اهني رقم لو تبي بييبه لك..تتصل وتقول لهم كم اللمت مالك ويحصلون لك فندق ويحجزون لك وماياخذون منك فايدة..اكثر الفنادق اللي تكون جريبه من اجول رود غالية وبنفس الوقت ماتحصلهم وايد نظاف..غير الهلتون وماريوت..واقول حرام انك تدفع مبلغ 180 باوند على فنادق نفس جي..انا بنصحك ب فندق اسمه برمير ان ..له فرع يديد في شارع الامارات جريب دوار اللاند على ما اظني..وله وايد واااايد فرووع في بريطانيا..يعني وين ماتبى تسير تحصل بالمنطقة كم من فرع..وفي لندن بعد شي وايد ووين ماتبى..ودايما ياخذ اماكن حلوه..شي واحد جريب الهارودز وشي جريب لندن برج..(جسر لندن ) طبعا هالمكانين دايمن انا اروح لهم..السعر تقريبا بيكون من 70 باوند لين 90 باوند ..يختلف بالايام..وفي اماكن ب 60 باوند نفس هالفرع..وفندق صج نظيف وهدوء..ثاني شي انا انصحك انك تاخذ ال underground ولاتستخدم التكسي..لانه يوصلك للمكان اللي انته تباه اسرع ويكون بسعر رخيص..يعني تقدر تلف لندن ب 3 ايام بس ب 15 باوند..اما لو تاخذ تكسي راح ياخذ عليك بس ل مكان واحد اكثر عن 15 باوند (هذا بس عن مره وحده)..بس عليك تشتري من ال underground بطاقة اسمها اويستر Oyster وتعبيها مثلا 15 باوند..وبس كل ماتنزل ال underground تحطها فالبواية باللمس وتفتح لك..اهم شي تاخذ الدليل مال القطارات والنظام يكون بالوان..واتبع المكان اللي انت تباه..راح تستانس وايد وعادي لو ضيعت تقدر ترد للمكان اللي تباه بس عليك تنزل وتركب القطار اللي عكسة..لو احتجت شي لاتستحتي تسأل ولاتنسى تييب وياك لبس ثقيل لانه الجو بارد..
   
   هذا الموقع الالكتروني للفندق
   
   Quality budget hotels – cheap rates – Premier Inn
   
   ولو تبى شي انا حاضر..اتمنى اكون اني قدرت افيدك..

   والسموحة

   ماشاء الله عليك
   خبير عيني عليك باردة
   عطني رقمهم وخلنا نتواصل
   وربي يحفظك
   أنا عندي ادمان بأشياء
   سافرت الصيف الفات لندن

   وتستغرب من الأشياء إلي اشتريتها

   جام+ شاي= ؟؟؟!!!

2. السلام عليكم

   تروح وترجع بالسلامه ياخوي

   عندك فندق كمبرلاند في ماربل ارج قريب من اكسفورد ومن اجور رود

   وشي الماريوت في اجور رود ومكانه احسن من الهلتون لانه في نص اجور رود

   و ثيسل ماربل ارج… قريب من الكمبرلاند بس من الخلف

   و حياة ريجنسي بعد قريب منهم بس من الخلف
   وعندك الراديسن ساس في شارع اكسفورد

   اللي اشوفه انك تحجز فالكمبرلاند موقعه حلو قريب من اجور رود و من اكسفورد وعند الهايد بارك…

   واي استفسار ثاني تراني فالخدمه

3. السلام عليكم والرحمه..

   انا انصحك انك ماتسير الفنادق الجريبه من اجول رود واللي اهو شارع العرب..في وايد اماكن وفنادق احلى وفي لهم اهني رقم لو تبي بييبه لك..تتصل وتقول لهم كم اللمت مالك ويحصلون لك فندق ويحجزون لك وماياخذون منك فايدة..اكثر الفنادق اللي تكون جريبه من اجول رود غالية وبنفس الوقت ماتحصلهم وايد نظاف..غير الهلتون وماريوت..واقول حرام انك تدفع مبلغ 180 باوند على فنادق نفس جي..انا بنصحك ب فندق اسمه برمير ان ..له فرع يديد في شارع الامارات جريب دوار اللاند على ما اظني..وله وايد واااايد فرووع في بريطانيا..يعني وين ماتبى تسير تحصل بالمنطقة كم من فرع..وفي لندن بعد شي وايد ووين ماتبى..ودايما ياخذ اماكن حلوه..شي واحد جريب الهارودز وشي جريب لندن برج..(جسر لندن ) طبعا هالمكانين دايمن انا اروح لهم..السعر تقريبا بيكون من 70 باوند لين 90 باوند ..يختلف بالايام..وفي اماكن ب 60 باوند نفس هالفرع..وفندق صج نظيف وهدوء..ثاني شي انا انصحك انك تاخذ ال underground ولاتستخدم التكسي..لانه يوصلك للمكان اللي انته تباه اسرع ويكون بسعر رخيص..يعني تقدر تلف لندن ب 3 ايام بس ب 15 باوند..اما لو تاخذ تكسي راح ياخذ عليك بس ل مكان واحد اكثر عن 15 باوند (هذا بس عن مره وحده)..بس عليك تشتري من ال underground بطاقة اسمها اويستر Oyster وتعبيها مثلا 15 باوند..وبس كل ماتنزل ال underground تحطها فالبواية باللمس وتفتح لك..اهم شي تاخذ الدليل مال القطارات والنظام يكون بالوان..واتبع المكان اللي انت تباه..راح تستانس وايد وعادي لو ضيعت تقدر ترد للمكان اللي تباه بس عليك تنزل وتركب القطار اللي عكسة..لو احتجت شي لاتستحتي تسأل ولاتنسى تييب وياك لبس ثقيل لانه الجو بارد..

   هذا الموقع الالكتروني للفندق

   Quality budget hotels – cheap rates – Premier Inn

   ولو تبى شي انا حاضر..اتمنى اكون اني قدرت افيدك..

   والسموحة

4. أخوي اسمحلي.. هذا هو الموقع الصحيح..إسمه هيلتون ميتروبول.. مب ميتروبوليتان

   London Conference and Meeting Hotels: Hilton London Metropole, London, United Kingdom

5. The Metropolitan Hotel London : London Luxury Accomodation

   هذا أخوي فندق هيلتون ميتروبوليتان.. يقع في إجوار رود..

   الفندق رائع و قريب من كل شي..

   تسير و ترجع بالسلامة..

   تسلم يا الغالي
   فديت خشمك

Comments are closed.