كمن مرة أقرأ شورت سيل خلال هالنزول الكبير لاسواقنا
لكن الصورة ما كانت واضحة عدل
اليوم قرأت مواضيع عنه و فهمته بشكل واضح
و قلت اوصل المعلومة للي ما فاهمة باسلوب سهل باذن الله
عالاقل نستفيد شىء كمعلومة ضمن الخسائر اللي نحصلها

العمليات في البورصة ممكن نلخصها ضمن ثلاث انواع
الاول: الشراء و البيع العادي
الثاني: الشراء عالمكشوف (long sell)
الثالث: البيع عالمكشوف (short sell)

النوعين الاخيرين فيهم شبهه شرعية و لكن هنا سأتحدث عن شرحهم و ليس عن شرعيتهم للاختلاف في ذلك
النوع الاول هو اللي تسمح فيه اسواقنا و النوعين الاخيرين غير مسموح به قانونا في اسواقنا

الاول هو الاسلوب العادي .. تودع 20 الف درهم لدى وسيطك .. تشتري ب 20 الف درهم اسهم + عمولة الوسيط .. نفس المبلغ اللي تودعه تقدر تشتري منه و لازم تكون عمولة الوسيط من فلوسك و لما تبيع ترجع قيمة الصفقة لك مخصوم منها عمولة الوسيط

الثاني و هو الشراء عالمكشوف .. من معناه شراء .. يعني شىء تتوقع فيه الخير و الارتفاع فتشتريه و لكن لا تملك السيولة او الكاش الكافي فتشتريه بفلوس وسيطك و لذلك يسمى عالمكشوف
بالغالب يضمن وسيطك فلوسه بأنك تودع مبلغ معين اذا نزل السهم بفارق المبلغ يبيع اسهمك و يضمن فلوسه
مثال على ذلك .. تودع 10 ألف درهم .. محتاج تشتري سهم ب 10 درهم .. بال 10 ألف درهم تقدر تشتري 1000 سهم فقط .. لكن وسيطك بيشتري لك 2 الف سهم قيمتهم 20 ألف درهم نص من فلوسك و نص من فلوسه اذا ارتفع السهم تقدر تبيع و تكسب اكثر اما اذا نزل مثلا للنص بالغالب و حسب الاتفاق بيبيع الوسيط اسهمك و يسترجع فلوسه و انت تخسر كل فلوسك .. يعني من 10 ألف درهم الى 0 درهم !!
فائدتها اذا مشى السوق ارتفاعا تكسب مضاعف اما اذا عكس التوقع تخسر مضاعف

الثالث و هو البيع عالمكشوف .. و اللي اتهمت جهات انها سوته و ممكن مستمره عليه في اسواقنا .. من اسم المصطلح معناه انك تبيع شىء .. يعني ما تتوقع منه الارتفاع بل الهبوط و لكن مجددا عالمكشوف لانك اصلا لم تمتلك الاسهم و تكسب اذا مشت الامور لصالحك و نزل السوق !! اما اذا ارتفع تخسر مضاعف.
مثال .. تودع 10 ألف درهم عند وسيط يستخدم الشورت سيل (البيع عالمكشوف) حيث هالوسيط يكون عنده اسهم في رصيده. كمثال اعمار لما كان ب 10. تقول بيع لي 2 ألف سهم من اعمار ب 10 درهم .. طبعا قيمتهم 20 الف ضعف فلوسك و لكن نصفها ممول من الوسيط. اذا نزل السهم ترجع تسترد اسهم الوسيط و تكسب الفرق لك مخصوم منها عمولة الوسيط بيعا و شراءا مثلا نزل لل 9 و اشتريت ال 2 ألف سهم ب 18 ألف درهم هنا وفرت 2 ألف درهم مكسب ينخصم منهم عمولة الوسيط. اذا ارتفع السوق يبدأ يخصم الوسيط من فلوسك حتى اذا غطى مستوى الارتفاع الفلوس اللي اودعتها يسترجع الوسيط اسهمه و يخصم فلوسك و يصير رصيدك 0.

نكتشف من هذا ان اسلوب البيع عالمكشوف و الشراء عالمكشوف جدا خطير و ممكن تقود للافلاس اذا مشى السوق بعكس الاتجاه المستهدف سواء هبوطا للشراء عالمكشوف او صعودا للبيع عالمكشوف
و ما اعرف ليش عندي احساس انها هالطرق الغريبة ما هي الا من افكار يهودية !!

احد اشهر مضاربي البيع عالمكشوف هو David Einhorn من أصل يهودي
بالغالب يدقق في معلومات الشركات و ان وجد شركة داخليا تخسر لكن هالامر غير مذكور في تصريحاتها
يقوم بالبيع عالمكشوف عليها و يصدر تصريح بما وجده و يسترد الاسهم بالرخيص و يكسب الفرق
قام بقوة بعمليات بيع عالمكشوف لبنك ليمان بروذرز اللذي افلس الشهر الماضي مدعيا ان البنك كان محقق خسائر لم يوضحها في تصريحاته
مزيد من التفاصيل هنا
David Einhorn (stockbroker – Wikipedia, the free encyclopedia)

الله لا يورط احد في بيع عالمكشوب ولا شراء عالمكشوف
خلونا على الاسلوب العادي عالاقل ان نزل او ارتفع السوق اسهمك بايدك ما في حد بياخذها و يقول لك رصيدك زيرو !!
موفقين

29 thoughts on “للي ما يعرف الشورت سيل تعال افهمك اياه باسلوب سهل”

  1. مشكور ياخوي على الموضوع … لكني انا مالي خص في المكشوف لانه راح يوديني الى طريق غير معلوم …. الله يبعدنا عن المكشوف

  2. خلاص انا بفهمك الي فهمته ولو اني احس عمري بفهمك شي غلط

    المهم انته عندك 100000 درهم في حسابك في اي وسيط مالي

    اوكييييي شوف شو بيستوي

    انتشر خبر بين ناس معينيين ((( واصليين )))) يعني الهوامير انه شركه خسرانه

    يقومون ينزلون سعر السهم …. بتقوليي كيف بقوولك

    يقول حق البروكر ماله بيع لي 100000 سهم من الشركه الخسرانه بسعر الماركت ( طبعا لا تنسى انه هاي الاسهم مملوكه من قبل الوسيط واعطاك اياها بالسعر الي قبل ما تنزل فيه سعر الشركه الخسرانه)

    ويحاول ينزل السعر لين يوصل مثلا نص درهم تحت

    بتقولي شو استفاد !!

    اقولك

    باع مثلا 100000 سهم ماركت بقيمه 10 دراهم ( يعني بمليون درهم) ورد اشترى من تحت ال 100000 سهم بسعر اقل والي هوه 9دراهم ونص ( يعني 950000درهم).. وعطاهن الوسيط وخذ هو فايدته الي هيه فرق السعر(نص درهم يعني خذله من هاي الصفقه 50000) بدون وجه حق

    اوكيي

    في حال ارتفع السهم وما نزل شو يستوي

    يقوم المتداول بشراء 100000 سهم على سعر أعلى وبهاي الحاله يكون هوه الي خسران ( بس هاي ما اضني تستوي لانهم حسبي الله عليهم يسووون الي ما يستوي))

    هذا الي فهمته من الاخوه واذا كنت غلطان صلحوولي

    ويالله الصلاه

    مشكووور يا مبدع، شرح ولا أروع من عضو ولالالالا أروع .

  3. أولاً أشكر الأخ المبدع بو أحمد على طرح الموضوع وبارك الله فيه وفيكم جميعاً.
    والله العظيم يا اخوان اعذروني بس بعدني ما فهمت، ممكن حد يكمل على مثال الأخ armh ويقول:
    ليش أبيع الأسهم عندما أتوقع هبوط الشركة ؟
    من الذي خسر/ربح بمثاله ؟
    كيف تأثير الموضوع يكون سلبي على السوق أو على السهم ؟
    ولكم كل الود والتقدير، أخوكم Planet.
    وحياكم الله وبارك الله فيكم.

    خلاص انا بفهمك الي فهمته ولو اني احس عمري بفهمك شي غلط

    المهم انته عندك 100000 درهم في حسابك في اي وسيط مالي

    اوكييييي شوف شو بيستوي

    انتشر خبر بين ناس معينيين ((( واصليين )))) يعني الهوامير انه شركه خسرانه

    يقومون ينزلون سعر السهم …. بتقوليي كيف بقوولك

    يقول حق البروكر ماله بيع لي 100000 سهم من الشركه الخسرانه بسعر الماركت ( طبعا لا تنسى انه هاي الاسهم مملوكه من قبل الوسيط واعطاك اياها بالسعر الي قبل ما تنزل فيه سعر الشركه الخسرانه)

    ويحاول ينزل السعر لين يوصل مثلا نص درهم تحت

    بتقولي شو استفاد !!

    اقولك

    باع مثلا 100000 سهم ماركت بقيمه 10 دراهم ( يعني بمليون درهم) ورد اشترى من تحت ال 100000 سهم بسعر اقل والي هوه 9دراهم ونص ( يعني 950000درهم).. وعطاهن الوسيط وخذ هو فايدته الي هيه فرق السعر(نص درهم يعني خذله من هاي الصفقه 50000) بدون وجه حق

    اوكيي

    في حال ارتفع السهم وما نزل شو يستوي

    يقوم المتداول بشراء 100000 سهم على سعر أعلى وبهاي الحاله يكون هوه الي خسران ( بس هاي ما اضني تستوي لانهم حسبي الله عليهم يسووون الي ما يستوي))

    هذا الي فهمته من الاخوه واذا كنت غلطان صلحوولي

    ويالله الصلاه


  5. البيع على المكشوف هو أن تدع فلوس عند الوسيط 100000 مثلاً أو أقل أو أكثر وتكون حتى الان لا تمتلك أية اسهم وعندما تتوقع هبوط أي شركة تقول لهم بيع لي 50000 سهم أو أقل أو أكثر وهكذا يكون الوسيط قد اقرضك أسهم يجب ان ترجعها أسهم وليس كاش وطريقة ارجاعها هو أن تشتري نفس الاسهم بعد حين

    أولاً أشكر الأخ المبدع بو أحمد على طرح الموضوع وبارك الله فيه وفيكم جميعاً.
    والله العظيم يا اخوان اعذروني بس بعدني ما فهمت، ممكن حد يكمل على مثال الأخ armh ويقول:
    ليش أبيع الأسهم عندما أتوقع هبوط الشركة ؟
    من الذي خسر/ربح بمثاله ؟
    كيف تأثير الموضوع يكون سلبي على السوق أو على السهم ؟
    ولكم كل الود والتقدير، أخوكم Planet.
    وحياكم الله وبارك الله فيكم.

Comments are closed.