اخواني الاعزاء اطرح عليكم هذا السؤال لماذا الزوجه لاتحب العيش في بيت اهل الزوج هل تعتبر هذه عاده ولابد ان تنتهي هل هوا استغلال ام استقلال
والسؤال واضح وارجوا منكم التعليق بكل صراحه ومصداقية …..

تحياتي لكم ولكم كل التقدير والاحترام..

28 thoughts on “لماذا الزوجة لاتحب العيش في بيت أهل الزوج ؟”

  1. السلام عليكم

    اختي بنت الامارات , انا كنت اقول جذيه قبل ماأعرس وعرست وسكنت ويا اهل زوجي وكنت مستانسه اول سنه وبعدين خلاص بدت المشاكل خواته عيالج ضربوا عيالنا وامه اتصارخ ومعصبه ومحرجه عليهم والله يشهد علي اني صابره ومافج حلجي لو بربع كلمه عليهم وماخبرت حد من اهلي وطلبت من زوجي انه نظهر برع وبحافظ على زياراتهم بشكل يومي بس استقل واحس بخصوصية رفض برغم انه مقتدر اهني يقع اللوم على منو علي او علي زوجي.

  2. من حقها يخوي !!

    تبغي تتمدد في بيتها عراحتها .. تبا تلبس اللبس اللي يعجبها .. تبا تتعطر و تتدخن .. تبا خصوصيه مع زوجها ..

    حق مشروع لكل زوجه

    لكن احنا عاداتنا تحتم على الريال يقعد في بيت هلهو اللي يطلع من بيت اهله خاصة لو كان كبير و فيه متسع يعني يبي الفكه من اهله .. وهالشي غير صحيح ..

    اايد كلامة وكلامة صح 1000% …

    اذا الحرمة اقعدت بيت هل ريلها ابغرفة صعب عليها تتلبس وتدلع ودلع ريلها وتحس

    انها متزوجة حتى تربية عيالها بيكونون اهل الريال مدخلين ابكل كبيرة وصغيرة

    هذا مش معنى كلامي انه بس اهل الريال يدخلون بتربيت الابناء حتى اهل الحرمة لو كانت عندهم

    لا مانع من هل موضوع في حالات يعني الحرمة يكون عندها قسم خاص فيها ….

    الاهل زينين مع حرمة….وحتى لو الريال فكر يعرس ويستقل ليش هو لو ستقل وقعد بروحة

    يعني مول ممابيزورهم … مابيتصل حقهم … اكيد لا اذا المكان قريب يوميا او يوم ورى يوم

    واذا بعييييييد كل ويك اند مرة……

  3. وااااايد اسباب تخليها ما تريد تعيش معاهم …
    ما تااااااااخذ راحتها في كل شي من نوم من اكل من لبس حتى الطلعه ما بتقدر تاخذ راحتها لانه كل بيت له قوانينه الخاصه … وهي لازم تطبقها مجبوره …ومهما كانو اهل الزوج محترمين دوم العين على مرت ولدهم .. شو سوت متى ترقد متى تنش متى تطلع …
    ومن الاسباب انه ما شي خصوصيه .. يعني اذا استوت مشكله من بين الزوج والزوجه بيكونو على درايه فيها وبجذي ضاعت ها الخصوصيه من بينهم … من الغيره والمشاكل اللي تستوي من الزوجه ومن الاهل …

  5. الــذي يرفضـــون البقــاء في بيـت أهــل الــزوج ليســـوا على غلـــط .. لالالا

    بـــس المـــرأة ذكيـــة وتتصـــرف وتنظـــر لبعيـــد قــد لا يــراه الرجـــال

    المــرأة تـــرى انهــا تدخــل حيــاة جــديدة لا تعـــرف شـــريك حيــاتها جيـــداً ولا تعرف طريقة حياته

    وتـــريــد أن تتعـــرف عليــه ويتفــاهمــون مع بعض وتتعـــرف على هـــذا المخلــوق الذي لم تراه من قبل

    ويجـــب أن تتعـــرف على زوجهــا لــوحــدها من غيــر وجــود أحــد يخــرب عليهــا تعرفهــا على شــريك حيــاتها

    طــيب امنـــو نقصــد باللي يعيقـــون التــفاهم بين الزوجين في بــداية حيــاتهم نعــددهم :

    1- أم الزوج هي فوق الرآس لكن مكانها ليس وسط الزوج والزوجة تشارك حياتهم وتغــار عليه وتدخل بكل صغيره وكبيره بينهم وتصير عذول ..

    2- أبو الزوج فوق الرآس لكن تدخله المستمــر بالزوج ومنعه من طلوعه ودخوله وتصرفاته مع زوجته قد يخرب حياتهم

    3- بيت عائلة اذن البيت ليس فيه خصوصيــة أبــداً رجال داخلين وحريم طالعات والعروس تضطر تتبرع بهدوها مع زوجها

    أو وقت خاص معاه لأنها ملك للبيت وأهل البيت وليست ملك لزوجهــا ويجب أن تكون تحت النظر 24 ساعة ؟؟؟!!!

    4- خوات الزوج وما لهم من اختلاف وجهات النظر والتفرقة احياناً والمشاكل زوجتك قالت وعملت وخلافات ليس لها آخر

    5-السلفات وغيرتهم من العروس الجديدة ومشاكلهم اللي ما تخلص بس يشوفون عروس جديدة يشتغلون على الوحدة

    طـــيب ليـــــــش كــل هــــذا العــــذاب

    تتــــزوج وتعيـــش سنة أو سنتيــن خـــارج بيت العائلــة حتى يتفاهمون مع بعض ويصبحون يعرفون بعض

    ثم بعد ذلك تستطيــع أن تنتقــل للسكــن في بيت العائلة بعد أن اصبحت هي وزوجها روح وحده وقلــب واحد ..

    أنا كنـــت مـــؤمنـــه بطريقــة uae_girl2000 ومصـــررره وبقـــوة من وانا طفلـــه وكنــت امشي عكـــس الســـير

    تـــزوجـــت وعملـــت نفــس كـــلام uae_girl2000 ودفعـــت الثمـــن غــــالي جـــــداً

    أحينــــه عـــــرفت أن مب كل شي شيــن من تجـــارب الآخـــرين لا .. يمكن هم شافـــوا شي ما شفناه

    واحنــا بنينــا تجــاربنـــا على الفكـــره ولــم نــأخـــذ تجـــارب اللي دخلوا في المجـــال

    اللــه يرحمنـــا ويثبتنـــا على الخيـــر والصـــــــــــلاح

    بـــــس أهـــم شـــي تعلمـــت أول ما الوحــده تتزوج لازم تبتعــد عن أهــل زوجهــا خليك بعيــد تبقــى سالــم

Comments are closed.