اخواني الاعزاء اطرح عليكم هذا السؤال لماذا الزوجه لاتحب العيش في بيت اهل الزوج هل تعتبر هذه عاده ولابد ان تنتهي هل هوا استغلال ام استقلال
والسؤال واضح وارجوا منكم التعليق بكل صراحه ومصداقية …..

تحياتي لكم ولكم كل التقدير والاحترام..

28 thoughts on “لماذا الزوجة لاتحب العيش في بيت أهل الزوج ؟”

  1. ضد المرأه تبدأ حياتها مع زوجها في بيت أهله !!! لأسباب كثيره لا يسعني حصرها الآن

    لكن ،، السبب الرئيسي يكون ،، الحفاظ على الاحترام بين الزوجه وحماتها وأهل زوجها كلهم ،، بدون أي مشاكل أو منغصات على الطرفين ..

    شـكــ وبارك الله فيك ـــرا لك … لك مني أجمل تحية .

  2. شئ بديهي ان كل انسان يحب الخصوصية والأستقلالية

    بعيداً عن تدخل الآخرين ولو بطريقة غير مباشرة .

  4. هي لها حق صراحة

    وهو له حق

    هي تبغي تبني مملكتها اللي طول عمرها رسمته في احلامها

    وهو يبغي يبر بابوه وامه يمكن اكبر عيالهم او الصالح فيهم

    هي تبغي تعيش زوجها احلى ايامه معاها تلبسله احلى اللبس وتكشخله وتتمكيجله عشان ما يشوف برع ويتعلق فيها اكثر

    هو اخوانه واخواته محتاجين له وما يستوي بيت بدون رجل (لاقدر الله اذا الاب مريض ولا متوفي)

    هي تبغى كل واحد من عيالها في غرفة ولهم مكان خاص للالعاب ومكان خاص للطعام

    هو يبغى يعيش براحة لا يدق مليون خط في الاسبوع وييلس باله مشغول في طرف على الطرف الثاني

    هي تبغي مطبخها تطبخله وما تستحي تجرب اكثر من مرة ماتحس عمرها يالسة تلعب بمال غيرها

    هو يبغى يطالع اخواته واخوانه موجودين في البيت مب طالعين هايتيين برع ولا حد سائل عنهم

    هي تبغي تزقره حبيبي وتدلعه

    وهو ما يبغى يخلي امه اتدقله وتطلب منه شي كانه غريب

    كل واحد يبغي شي

    بس

    الحرمة لازم تقدر ظروف الطرف الثاني وتضحي ادريبها كلمة كبيرة مب سهلة بس الله بيعوضها

    ولازم الرجل يقدر الشي هاذا ولا يقول انا راجل وهي غصبا عنها اتسوي هالشي بالعكس لازم يحسسها انه حاس وانه ممتن لها انها ضحت عشانه حتى لو ما تقوله

    وصدقوني بالذات هالقضية مخربة بيوت وياما محاكم الطلاق مليانة منها

    وشكرا صاحب الموضوع على السؤال الحساس والقيم

    واخص بنت الامارات بالثناء على هاذي الكلمات التي تشع نورا والله يجعلج قدوة لبقية البنات

Comments are closed.