السلام عليكم ورحمة الله وبركاته

انا حبيت اكتب هالموضوع بسبب اللي شفته من التجاوز الزائد لرفع الاسعار من قبل بعض المحلات في القرية العالمية ولكي اكون صادق اقول اغلبها يعني تخيل تلقى بضاعة ب450 وبعد مجادلة بسيطة يعطيك السعر ب200 مع ان البضاعه اصلا ماتسوى 150 درهم انا صراحه حسيت بفرق كبير بين هالسنه والسنة الماضية من ناحية غلاء الاسعار وتقريبا جميع الاسعار تنباع ب أكثر من ضعف السعر بدون ماتكون عليهم رقابة بالاسعار ولا شي انا حاولت اقنع نفسي ان مش الكل ضارب السعر في اثنين لكن كل ما اسير محل يعطيني سعر وبالآخر تحصلها عن واحد ثاني بنص السعر ليش ماتكون الاسعار ثابته عشان مايكون تلاعب ياليت حد يخبرني هل كلامي صحيح ولا انا غلطان؟؟؟؟؟؟؟؟؟؟؟؟؟؟

9 thoughts on “لماذا الغلاء في القرية العالمية”

  2. الايجارات غاليه يعني هالتاجر بيلقاها من وين و الا من وين

    و الا تتحرون التجار بس جي يبون ينصبون عليكم هوايه

    انا السنه ما شاركت في القريه و الا انا ضاريه كل سنه اشارك … العام ما استفدنا غير المخاسير و الله و لا درهم فايده

    السنه قلت خل يولوون ..وين عندنا حق ايجار و الا حق بياعات و الا دريول يوديهم و اييبهم و يلا حاسبهم كل يوم

    و الله عباله و صدعة راس

  3. نفس كلام اخوي عزام
    واحلى حركه اتسوها
    انك تطلع من المحل وبتشوفه يراكض وراك ووراه الدسكاونت من الخاطر

  5. كلامك صحيح .. و هالشي حتى من السنوات اللي قبل ..
    مره كنت مع ربيعي فالقرية الأفغانية .. عيبه جاكيت .. البايع قال بــ 250 .. ربيعي كان يبا يقوله بشله ب 200 ..
    قلت حق البايع جان بتبيعه بـ 60 حطه بالجيس .. أول شي حسسني اني بخسته وايد .. عقب قلتله برايك و سويت عمري بطلع .. قاااااااال خلاص شيله بــ 100 .. قلت ما بعطيك غير 60 .. تخيل وافق .. هههههههههههه

    طال عمرك الموضوع هذا له أسباب منها :

    1 : عدم تحديد قيمة السلعة ..

    2 : ارتفاع أسعار إجارات المحلات ..

    3 : أصحاب النفوس الضعيفة من البائعين ..

    4 : الناس اللي تحسسك انها دفيعة اللي من يقول البايع سعر عقوله البيزات و قالوله خل الباجي حقك ..

    5 : الناس اللي تستحي من المكاسر عبالها شي منقود ..

Comments are closed.