السلام عليكم ورحمة الله وبركاته
انا حبيت اكتب هالموضوع بسبب اللي شفته من التجاوز الزائد لرفع الاسعار من قبل بعض المحلات في القرية العالمية ولكي اكون صادق اقول اغلبها يعني تخيل تلقى بضاعة ب450 وبعد مجادلة بسيطة يعطيك السعر ب200 مع ان البضاعه اصلا ماتسوى 150 درهم انا صراحه حسيت بفرق كبير بين هالسنه والسنة الماضية من ناحية غلاء الاسعار وتقريبا جميع الاسعار تنباع ب أكثر من ضعف السعر بدون ماتكون عليهم رقابة بالاسعار ولا شي انا حاولت اقنع نفسي ان مش الكل ضارب السعر في اثنين لكن كل ما اسير محل يعطيني سعر وبالآخر تحصلها عن واحد ثاني بنص السعر ليش ماتكون الاسعار ثابته عشان مايكون تلاعب ياليت حد يخبرني هل كلامي صحيح ولا انا غلطان؟؟؟؟؟؟؟؟؟؟؟؟؟؟
السبب الاول المبالغة في الايجارات…
نفس التجار محتكرين في وايد قرى…تلقاه ماخذ محل في قرية الافغانية والباكستانية والكويتية…الخ والبضايع مالها دخل بالقرية المتواجده فيها
البعد كليا عن الاهداف الرئيسية لوجود القرية العالمية…الموضوع صار تجاري بحت…الاسعار مبالغة فيها بشكل ما يدخل العقل..خاصة الالعاب..يتحرون اعمارهم في ملاهي فيينا حاطين للناس اسعار جانها حاسبينها باليورو…
القرية كانت غير في السنوات الاولى بس..عقبها صار الموضوع تجاري…
انا اقول يغيرون اسم القرية “العالمية” لانها ما راكبه بالمرة…خلهم يسمونها “سوق ليلام”
شـكــ وبارك الله فيك ـــرا لك … لك مني أجمل تحية .
السلام عليكم
انا اشوف الشباب والبنات اللي تبع مشاريع محمد بن راشد الشركة اللي تدعمهم
هم اللي اسعارهم فوق فوق
مره كنت بشتري وشاح الامارات
قالي الشاب المواطن اللي يبيع ب 50 درهم
قلت له برع ينباع ب 15 درهم ونته تبيعه ب 50 بالله عليك منو بيشتري من عندك قالي الاجانب نحن نستقصدهم مب المواطنين لانهم ما يشترون
وشكرا
مرة خذيت 5 سندويشات فلافل و2 بيبسي و 2 ماي
طلع لي 65 درهم
وطعم الفلافل مب هاك الزود يعني عادي