لاحظة وجود أسفل أغلب القنوات الخليجية شريط للأسهم خلال فترات التداول الصباحية أو المسائية ماعدا في دولتنا الحبيبه ( الامارات ) مع العلم أن قناة cnbc العربية أطلع شريط الاسعار للأسهم الاماراتية بعد الساعة 2 ظهراً إيكون فترة التداول قد أنتهت ويطلعون في هاي القناه عدد بسيط من الاسهم موب كلها ، مع العلم إن في ناس وايد ماعندهم كمبيوترات ومايقدرون إيروحون السوق لمتابعة الاسعار وخاصة المتقاعدين وعدد من النساء .
فأنا أقترح لو حد إيوصل هاي الفكره إيظهرون شريط الاسعار وقت التداول للسوقين دبي وبوظبي في وحده من قنواتنا الاماراتية سواءاً قناة دبي أو قناة بوظبي والخير ترى بيعم للجميع سواءاً دخل الامارات وخارجها .
وسلامتكم
اتمنى التفاعل ويا الموضوع اتمنى توصل لوسائل الاعلام
يا ريت احد يداوم في تلفزيون دبي او اي قناة اقتصادية يوصل هذه الرسايل يا ريت
والله محتاجين لهالشريط على احد القنوات
يا ليت يسمعون نداءاتنا ويلبون الطلب
دبي الاقتصاديه قولي تم ^_^
نحن وياك اخوي وانا من فترة كتبت الموضوع هذا لكن ما لقيت الرد
وعندنا ما شاء الله عدة قنوات اعتقد قناة ((العقارية)) قناة متخصصة ليش ما يحطون شريط للاسعار اسفل الشاشه نتمنى من وسائل الاعلام المرئية انها تسير على خطى الدول الاخرى