لمــــــــاذا يفضلون الاجنبيــــه على بنت الوطن

9 thoughts on “لمــــــــاذا يفضلون الاجنبيــــه على بنت الوطن”

1. وياليت عقب الخسايـــر حق العرس يكرمونا بكلامـ طيب ..

   إلا تسمع فلانه تقول : عشاهمـ هب زين.

   والثانيه اتقول : شفتي فلانه شو لابسه وقاصه على عمرهــا

   والثالثه اتقول : العريس أحلى عن العروس

   والرابعه اتقول : عرس فلان كان أحسن عن عرسهم

   والخامسه اتقول : بلا بلا بلا بلا ……. إلــخ

2. السلام عليكم ورحمة الله وبركاته

   يفضلونها طال عمرك لانها رخيصة .. وما يباالها شي كتب كتاب وتعال شلها ..

   لكن هني لازم الملجة اتكون شرات العرس بس فرق ما تلبس فستان ابيض لازم كوشة وهوشة وربشة وغنة وحنة ..

   وعقبه ايي العرس ويلا كل وحدة تتفنن عكيفها على اساس انها ليلة العمر والواحد ما بيعرس كل يوم ..

   هني المظاهر تطغي على كل شي .. واذا ما سوو ها كله ترى الاوادم ما بتخليهم بترمس عنهم .. هاييلة بخلى وزوجو بنتهم ببلاش وغيررره من رمسات الحريم ..

   بس تبى الصدق في الشين والزين في نااس مثل ما قال الاخ يقولون للريال ” لف الحرمة بوزار وشلها ” ما نبى عليك شي اهم شي ستر بنتنا ..

   وفي ناس تحب الفشخرة وتبى كل المنطقة ترمس عن عرسها شهر .. شو بسوى في هالعقلياات ..

   فانهاية الامر يرجع حسب الميزانية والمستوى المعيشي

   …

   أحيد عرس اختي ما سوولها كل هاا .. الريال ملج عليها فاليوم الثاني عرس فالبيت وزفوها لبيت ريلها وكان الله غفورا رحيما
   الواحد اتكون بدايته على بركة الله ميسرة وخفيفة وما فيها شي حراام ها احسن شي .. عشان الله يوفجهم فحياتهم عقب ..

   ..

   موضوع طيب تشكر عليه يا خوية

3. الله يوفقك بو عيسى… عجبتني صراحتك فالموضوع

   انا يعجبني كلام الشواب اذا حد يذكره اول ما تيي تخطب ….( يقولك لف الحرمه بوزار وشلها ما نبا عنها شيء)

   بعد الخطبه يطلع عينك… لوووول

   سوالف شواب.. السموحه

4. السلام عليكم،،

   الكثير من البنات يحلمون بالزواج ولكن ما يحدث في مجتمعنا؟؟

   أولا: المادة: الكثير من الأسرة تطلب الكثير والكثير من الطلبات المادية المرهقة للشباب،، مثلا مقدم المهر في القانون 20000 ألف درهم ولكن الكثير من الآباء يطلب 60 أو 70 أو 100 أو 150 ألف درهم للمهر،، الحفل في قاعات الزواج تتكلف ما بين 20000 ألف ل 200 كرسي وفوق مئة ألف ل 1000 كرسي في قاعات عيمان مش الشارجة ولا دبي ولا أبوظبي اللي طبعا أغلى بوايد وبعدين التكلفة تشمل بس الأكل والمضيفات،، جماعة الدي جي يبون ثلاثة الآف درهم والتصوير خمسة الألاف والكوشة ما بين ألفين الى خمسة عشرة ألف ومدافع الورد مع الليزر ب 3 الأف درهم …………..
   نسيت شيء ممكن؟؟؟

   الذهب اللي فوق خمسين ألف وباقي مستلزمات العروس اللي فوق؟؟؟؟؟؟؟؟ ما أدري صراحة تعبت من الحساب؟؟

   الناحية النفسية: الكثير من البنات للأسف لا يفكرن في الزوج طبعا بعد الزواج ومعظم تفكيرهن في احتياجاتهن الشخصية واحتياجات أسرتهن( والديها واخواتها) واللي ما تعرف أصول المحافظة على الحياة الزوجية واللي تشجع زوجها على أخذ السفليات لشراء ما تريد..

   يعني في المحصلة زوج مديون أقل شيء 300 ألف درهم+ زوجة؟؟؟؟؟؟؟؟؟؟؟؟؟؟؟؟؟؟؟؟؟ وطيب وبعدين نتيجة كارثية بعد خمسة أو عشرة سنوات على أقصى حد…

   الأجنبيات لا يريدن مهور كبيرة ولا حفل أميرة ديانا كما تريد بعض الفتيات ويقبلن العيش في شقة غرفة وصالة ..

Comments are closed.