بسم الله الرحمن الرحيم
السلام عليكم ورحمة الله وبركاته
من شهرين تقريبا وانا اعاني من العصبة .. والله الألم واصل للقلب.. يعني شوي يهدى واحيانا شي فظيع خاصة مع الحركه والتنفس اللي عنده خبرة ف الموضوع ياريت ما يبخل علينا .
اتريا تعاونكم اخواني، تعبت من ابر التخدير والعلاج الطبيعي بدون فايدة.
يزاكم الله الف خير ، بس للاسف انا جربت كل شي من اللي انذكر وماشي فايدة جربت مساج هندي ب الزيت الحار في نادي الضباط وتحيمت وابر صينية ومساج تايلندي وصيني ما شي فايدة ويوميا ارقد ع جربة حارة من عقب ما ادهن مكان العصبة بفكس ….
الله المستعان ………
السباحة
داوم عليها وبتفكك لك كل العصب
رب الناس … اذهب الباس … اشف انت الشافي لا شفاء الا شفاك .. شفاء لايغادر سقما
ما تشوف شر ..
فكس أو فولترين ومطارة حارة داوم عليهن
وما شا الله الجماعة ما قصروا طب وتخير
السلام عليكم ورحمة الله وبركاته
فية مركز هندي للمساج في بوظبي فوق بنك بوظبي التجاري عند دوار المدفع والمرش
سرت عندهم سويت مساج هندي لمدة اسبوع بزيت حار داخل صرة فيها اعشاب وزيت كل يوم الصبح اسير
كانت العصبة في صدفة الظهر بعدين نزلها تحت واخر الاسبوع يت عند الخصر وخلها تروح في الكرشة لووووووول(اكيد بضيع )
المهم
قال لي هذة عبارة عن ماي نتيجة جهد والسواقة لفترة طويلة الماي يطلع ماي ويضغط هذا الماي على الاعصاب فتحس بالم
من حوالي 5 سنين ولله الحمد مايت مرة 2
اضني اسم المحل
ايردوفا
ماتشوف شر