اذا اردت تدريبه بسرعة ونزع الخوف المسبب للجعير
هناك طريقة تستخدم اصلا مع الصقور الحرة التي تم اقتناصها حديثا
اولا
شوف لك فوطه صغيره ولف الطائر حول الجسم لفا جيدا بحيث مع مد الارجل للخلف كما يمهد الطفل الصغير مع ابقاء الراس حتى يفقد الحركة تماماَ
وجزء من الرقبة لمدة 30 دقيقة …… ثلاث ايام متتالية.
ثانيا
ضع الطير في حظنك وحاول ان تمسح على راسه برفق
ثالثا
بعد ذلك انزع (((( المهد ))) و ضع الطير فوق القفص او ستاند او اي شي المهم ان يكون واقف مرتاح وحاول ان تداعبه بلطف
خلال اسبوع سيختفي الخوف او يقل بنسبة كبيرة
للأمانة
منقول من منتدى آخر
هذي المواضيع ولا بلاش
انا عندي كاسكو جامبو عمره 6 شهور
كان يجاعر و يخاف
كل الناس الخبرة نصحوني بالمعامله الطيبه معاه
بس مشكلته وايد وايد عنيد و ” “عزيز نفس “”
حتى لو أجوعه يكابر و يتمادى
وكان من يشوفني كأنه شايف عزرائيل ههههه
المهم اتبعت معاه اسلوب اللطف و الحمدلله تغير تغير كبير خلال فترة بسيطه , تقريبآ اسبوعين
و الجعره راحت تمامآ ما عدا ان كنت بشله شل
ولكن الحين صدق انا وايد فرحانه فيه
صار ما يخاف مني و بعد ياكل من ايدي ومن اغيب وارجع للبيت و ادخل عليه يرفرف جنحانه و يستانس
و على طول احط ايدي بثمه يقوم يلحسها و يلاطفني
و حاليآ يقلد صوت واحد اللي هو انه يصفر التصفير المعروف
و بعد يخليني اسبحه روحي بدون لا يزعل ويجاعر
و الله العظيم صارت بيني وبينه علاقة طيبه وايد وصرنا اصدقاء و أحس بشوقه لي لما ارجع من برع خاصة اذا طولت.
وصرت من كم يوم اعلمه يركب على ايدي و كتفي وصار يركب بس موب من كيفه , انا اللي اشله واحطه واباه يتعود على هالشي ويشوف انه مافيه اي خوف
صح اني حصلت لي كم عضه على ايدي ورقبتي بس برايه يمون .
من خبرتي البسيطة جدآ بالتعامل مع الكاسكو انصح مالكي الكاسكو بأنه عقب ما تجوعه , حطله الاكل و لما ياكل كون حذاله وجريب منه وايد , عشان يحس إنك انت مصدر الاكل .
انا لما أأكله أكون جريبه , على طول من فرحته يقوم يصفر بهستيرية و يجدم راسه عشان يلعب بإيدي , ويتم يطالع بنظرات حنان ويلف راسه متعين فيك.
لما يحفر على أرضية القفص فهو يبا شيئين
يا إنه يبا يظهر برع القفص أو إنه يباك تلعب معاه
حاول تعطيه من وقتك كثر ماتقدر , لان الكاسكو بعد فترة بسيطه ومن خلال المعاملة الطيبه يعرف صاحبه.
لاحظت اذا خواتي يلعبنه مايندمج معاهم شراتي ولا يصفر لهن , و حتى لو طلعت أصب بترول آخذه معايه بالسيارة و أحطه فوق السيت اللي جدام , بتلاحظون انه وايد مستانس و يطالع الناس والسيارات , بس من تحاولون تنزلونه من السيارة فما بيطيع , والله العظيم انه شرات اليهال بالضبط , وخاصه ان عمره 6 شهور .
و في معلومه قارتنها قبل انه لا تقسون على الكاسكو لانه شرات الجمل ما ينسى المواقف السيئة اللي بحقه
يعني كثر ما هو يكون عنيد معاكم لا تصرخوووووووووون عليه لانه يزعل , ولا تمدون ايدكم عليه و تسجنونه بالقفص لانه مثل أي طير يحب الحرية , ولما بتحطونه بالاستاند بتلاحظون ان تصرفاته غير عن لما يكون بالقفص.
المطلوب حنيه بالمعامله , و لازم تيلس معاه
في شي ثاني بعد , انه لما تعطيه الماي ردد كلمة ماي , ولما بتعطيه الحب قوله أكل أو بالعافيه أو بسم الله , وردد هالكلمات بكل مرة تقدم له طلباته
ولا تنسون تنظفون القفص يوميآ , فهو نظيف و يستانس من هالشي ويراقبك لما تبدل له الجريدة اللي تحت , وبوقت الشتاء الحين حولوا تبدلون له الماي كل نص يوم و تحطون ماي دافي لانه مع الوقت بيبرد , واذا تبونه يتعلم الكلام لازم مايكون جريبه طيور غير , او لما تنقلونه الكلام لا تخلي التلفزيون شغال مع الصوت عشان ما يتخربط , ولا تحفظونه كلام وايد بالبداية , مجرد كلمة أو كلمتين كل فترة إلين ما يتقنهم .
و السموحه منكم اخواني كتبت اللي بخاطري عن طيري الحبيب , و اذا حد بيفيدنا بمعلومات ثانيه من خلال خبرته فيزاه الله خير .
مشكور على المعلومة والصراحة اول مرة اسمعها
تسلمون يا جماعة ع الردود
هههههههههههههههههه دمك خفيف اوي يا باند او ممكن تربي شبل او فهد وهيخاف يئذيك للاسد يمصمصو :d السموحه علي راي اهل الامارات الكراااااااااااااااااااااااااااااااااااااااااااااا اااااام والله اطيب شعب
حطله أسبيس تون
خلوه يشوف برامج أطفال بيستوي أليف هههههه