لنزع الخوف المسبب لجعير الكاسكو

16 thoughts on “لنزع الخوف المسبب لجعير الكاسكو”

1. اخويه نصيحه خذه للطبيب البيطري بالعيادة البيطرية افضل من محلات الطيور و أخبر و أنظف وشغلهم فيه خبرة أكثر و بيشيك على صحته ونبضه مره وحده مع قص الاظافر والجنحان وبعد بيعطيك دوا للطير مفيد وايد , وكل هذا مايتعدا ال60درهم فقط

   تسلمين اختي على النصيحة

   بس معقولة كل اللي قلتيه بـ 60 درهم فقط ؟

2. أنا عندي كاسكو جمبو عمره ثلاث شهور

   شريته من ثلاثة أيام

   وما شالله عليه حليو

   بس شوي متوحش

   كثير الحركة في القفص ويحاول يكسر القفص عسب يطلع

   ما أقدر أطلعه في الوقت الحالي لأنه يطير

   باكر باخذه لمحل الطيور عسب يقصون جناحه

   وبعين أقدر أطلعه

   اخويه نصيحه خذه للطبيب البيطري بالعيادة البيطرية افضل من محلات الطيور و أخبر و أنظف وشغلهم فيه خبرة أكثر و بيشيك على صحته ونبضه مره وحده مع قص الاظافر والجنحان وبعد بيعطيك دوا للطير مفيد وايد , وكل هذا مايتعدا ال60درهم فقط

3. أم مجتوم كفت ووفت بالمعلومات كيف تكسب ثقة الطير واهم شئ انك تطعمه دايما بنفسك وبيوالف وياك بعدها .. بس اتحمل إطلعه من القفص وريش جناحه كامل بيسويلك باي باي وهو مروح عنك في الجو .. ينسى العشره بسرعه مقابل الحرية

4. أنا عندي كاسكو جمبو عمره ثلاث شهور

   شريته من ثلاثة أيام

   وما شالله عليه حليو

   بس شوي متوحش

   كثير الحركة في القفص ويحاول يكسر القفص عسب يطلع

   ما أقدر أطلعه في الوقت الحالي لأنه يطير

   باكر باخذه لمحل الطيور عسب يقصون جناحه

   وبعين أقدر أطلعه

5. هذي المواضيع ولا بلاش
   انا عندي كاسكو جامبو عمره 6 شهور
   كان يجاعر و يخاف
   كل الناس الخبرة نصحوني بالمعامله الطيبه معاه
   بس مشكلته وايد وايد عنيد و ” “عزيز نفس “”
   حتى لو أجوعه يكابر و يتمادى
   وكان من يشوفني كأنه شايف عزرائيل ههههه
   المهم اتبعت معاه اسلوب اللطف و الحمدلله تغير تغير كبير خلال فترة بسيطه , تقريبآ اسبوعين
   و الجعره راحت تمامآ ما عدا ان كنت بشله شل
   ولكن الحين صدق انا وايد فرحانه فيه
   صار ما يخاف مني و بعد ياكل من ايدي ومن اغيب وارجع للبيت و ادخل عليه يرفرف جنحانه و يستانس
   و على طول احط ايدي بثمه يقوم يلحسها و يلاطفني
   و حاليآ يقلد صوت واحد اللي هو انه يصفر التصفير المعروف
   و بعد يخليني اسبحه روحي بدون لا يزعل ويجاعر
   و الله العظيم صارت بيني وبينه علاقة طيبه وايد وصرنا اصدقاء و أحس بشوقه لي لما ارجع من برع خاصة اذا طولت.
   وصرت من كم يوم اعلمه يركب على ايدي و كتفي وصار يركب بس موب من كيفه , انا اللي اشله واحطه واباه يتعود على هالشي ويشوف انه مافيه اي خوف
   صح اني حصلت لي كم عضه على ايدي ورقبتي بس برايه يمون .
   من خبرتي البسيطة جدآ بالتعامل مع الكاسكو انصح مالكي الكاسكو بأنه عقب ما تجوعه , حطله الاكل و لما ياكل كون حذاله وجريب منه وايد , عشان يحس إنك انت مصدر الاكل .
   انا لما أأكله أكون جريبه , على طول من فرحته يقوم يصفر بهستيرية و يجدم راسه عشان يلعب بإيدي , ويتم يطالع بنظرات حنان ويلف راسه متعين فيك.
   لما يحفر على أرضية القفص فهو يبا شيئين
   يا إنه يبا يظهر برع القفص أو إنه يباك تلعب معاه
   حاول تعطيه من وقتك كثر ماتقدر , لان الكاسكو بعد فترة بسيطه ومن خلال المعاملة الطيبه يعرف صاحبه.
   لاحظت اذا خواتي يلعبنه مايندمج معاهم شراتي ولا يصفر لهن , و حتى لو طلعت أصب بترول آخذه معايه بالسيارة و أحطه فوق السيت اللي جدام , بتلاحظون انه وايد مستانس و يطالع الناس والسيارات , بس من تحاولون تنزلونه من السيارة فما بيطيع , والله العظيم انه شرات اليهال بالضبط , وخاصه ان عمره 6 شهور .
   و في معلومه قارتنها قبل انه لا تقسون على الكاسكو لانه شرات الجمل ما ينسى المواقف السيئة اللي بحقه
   يعني كثر ما هو يكون عنيد معاكم لا تصرخوووووووووون عليه لانه يزعل , ولا تمدون ايدكم عليه و تسجنونه بالقفص لانه مثل أي طير يحب الحرية , ولما بتحطونه بالاستاند بتلاحظون ان تصرفاته غير عن لما يكون بالقفص.
   المطلوب حنيه بالمعامله , و لازم تيلس معاه
   في شي ثاني بعد , انه لما تعطيه الماي ردد كلمة ماي , ولما بتعطيه الحب قوله أكل أو بالعافيه أو بسم الله , وردد هالكلمات بكل مرة تقدم له طلباته
   ولا تنسون تنظفون القفص يوميآ , فهو نظيف و يستانس من هالشي ويراقبك لما تبدل له الجريدة اللي تحت , وبوقت الشتاء الحين حولوا تبدلون له الماي كل نص يوم و تحطون ماي دافي لانه مع الوقت بيبرد , واذا تبونه يتعلم الكلام لازم مايكون جريبه طيور غير , او لما تنقلونه الكلام لا تخلي التلفزيون شغال مع الصوت عشان ما يتخربط , ولا تحفظونه كلام وايد بالبداية , مجرد كلمة أو كلمتين كل فترة إلين ما يتقنهم .
   و السموحه منكم اخواني كتبت اللي بخاطري عن طيري الحبيب , و اذا حد بيفيدنا بمعلومات ثانيه من خلال خبرته فيزاه الله خير .

   تسلمين اختي ع المشاركة الطيبة

Comments are closed.