عام الرماده حدني يم الاجناب
ربع الفلاحه والرطب والزراعه
انا ابدوي واكره سواليف الاعراب
واحب فيهم طيبهم والبتاعه
يبغضني اللي ما عرف قدر الاشناب
لا يحسب اعلومه علينا ابضاعه
يفحج على كير الردى والشعر شاب
لا كاسب ٍ حسنا ولا طال باعه
اصخيّف الذرعان للثور حلاّب
ما هو كفو ولا يعرف السناعه
عندي فلا قام وقعد جعله الداب
يركي على عظمه وينهش اكراعه
محنا عشا بعض الحصاني والتسلاب
والمصلحه متبّيض الوجه ساعه
ما عدت اثق باللي يقصرون الاثياب
اهل النفاق امخالفين الجماعه
اصحاب؟ لا والله ما هم بصحاب
الا حشاوين القحط والمجاعه
احد ٍ وعد وعد ٍ وبالحيل كذاب
ازرى يميز هامته من ارقاعه
يدق صدره ويتيميلح اذا غاب
متقّضب ابحبل الرسن واندفاعه
له وجه ابن فهره ومغسول بتراب
واكبر مصيبه ينتسب للشجاعه
يشبع اعياله قبل لا يحسب احساب
اهل الشكاله والصخا والوداعه
عرفه ردى فال ٍ وحوّتْه تنعاب
وشوفه غثا بال ٍ وقربه دناعه
ابو سطام
مشكورين اعزائي
شـكــ وبارك الله فيك ـــرا لك … لك مني أجمل تحية .
يحق للشاعر التلاعب بمعاني الكلمات لأغراض هادفه تفيد المتلقي للعبرة
وأنا واثق بأن الشاعر قصد فئة قليلة ممن يدعون الصلاح وهم عكس ذلك
مثل الشاعر الي قال ؛
لا تصبغون الحاكم
صبغ الحاكم حرام
فالشاعر في هذا البيت ضرب عصفورين بحجر واحد
فلو جعلنا كلمة( الحاكم ) بهذه الطريقة ( لحاكم ) لكانة بمعنى اللحية وأراد بهذا قول ان صبغ اللحية حرام
والمعنى الثاني هو صبغ الحاكم و هو الكذب عليه فلا يجوز ايضا .
عفوا للإطالة
لكم مني اجمل الأمنيات