لون الجلد و حماية —- شاركونا بارائكم و تجاربكم للمناقشة

5 thoughts on “لون الجلد و حماية —- شاركونا بارائكم و تجاربكم للمناقشة”

1. ابعد عن الاسود عن تجربه

   فالصيف يصلخ صلاخ

   الا لو السياره الي بتاخذها يكون في سيتاتها تبريد ها شي ثاني ،،

   بس يتم الاسود اسود و لون عاادي ،، ماله اي ميزه ،، و ما يبين فخامة الموتر

   عليك بالالوان الفاتحه من دااخل

2. شكرا علي المشاركة

   اذا اخذت سيارة عليها جلد بيج شو نوع الحماية الي تضمن انها مابتوصخ

   راعي الوكاله شار علي اني اوديها شركة بريمير في بوظبي و قالولي انهم يتعاملون مع شركة بريطانية

   يرشون الجلد بطبقة حماية و علي حسب كلامهم انا سهل التنضيف و حتي العباية اذا طبعت ممكن

   تنظيفها بسهولة هل في حد جرب هذة الخدمة و شو انطباعكم

   و ممكن تفيدونا بطريقة غير لحماية الجلد البيج غير التلبيس

3. اخوي يعتمد على حسب نوع السيارة

   الحين المواتر الفخمة اتيي فيها انواع حق لون الجلد ..

   مثل الابيض والبيج .. والبيج الغامق .. والزعفراني والزعفراني الغامق .. والاحمر .. والخ الخ

   ما انصح باللون الاسود ابيد موووليّة ..

4. السلام عليكم

   أخوي العيناوي 22 …. ما قصر بالفعل الغالي ما انصحك أبدا تاخذ أسود … و انته ما جربت الحر و الأسود …. و غير هذا وذاك يوم تبا تبيع موب تعب شوي الا بتتلعوز وما بتحصل شراي و اذا بعته بسعر ما يسوى …

   في حلّين … ((خذ بيج)) و اما تلبس الكراسي بلاستيك شفاف … و الحل الثاني و الي اشوفه احسن .. لبّس الكراسي مخمل الي يبيعونه في محلات الزينه ويوم تبا تبطله بتبطله بكل سهوله .. و جيمته مال 200 درهم … و غير هذا ما يمسك الحراره و لا ربع الجلد …

   تكون حافظت على الجلد + ارتحت من الحراره + يوم تبيع بترتاح + ما يخيس الملابس ولا شي

   انا عندي سيارتي جلد بيج … و ملبس كرسي السايق مخمل بيج .. ومرتاح و الحمد لله

   و ربي يوفقك الغالي

5. يا خويه عليك بالبيج
   لبن الكراسي هالبسه الخفيفه
   وانت والخير رباعه

   ولا لبسهن قرطاس فوق قرطاس لوكاله

   الاسود ما انصحك فيه صح فخامه

   بس ما شاء الله درجه لحراره توصل فوق 50 فالصيف

   وفرق في المستقبل ان بغيت اتبيع

   انصحك بالبيج

Comments are closed.