السلام عليكم ورحمة الله وبركاتة

هوس شنط الماركات للمدارس

ما اعرف من وين ابدأ موضوعي
المهم في السنوات القليلة الماضية كانت شنط الماركات

((لويس فيتون..قوتشي..ديور…شانيل..فندي….الخ))

مقتصرة على طبقة معينة من السيدات والفتيات أما الآن فجميعهن
((يعني اللي عندها واللي ما عندها )) يتسابقن للحصول على احدث واجدد موديل..
وطبعا اقل شنطة ما تقل عن 3000 درهم والجميييع عارف سعر كل نوع من انواع هاي الماركات بس اللي ما نعرفه واللي ما نبا انعرفه من هؤلاء اصحاب هذه المسميات؟؟ وأي ديانه ينتمون لها؟؟

اسميهم كادين من ورانا
والسبب الرئيسي لكتابتي هذا الموضوع هو اللي اشوفه واسمعه من كثير من الامهات ان البنت في جميع المراحل الدراسية ابتدائي .اعدادي .ثانوي. تطلب وتلح وتصيح وتهدد انها ما بتسير المدرسة إذا ما خذولها شنطة ماركة
خلاصة كلامي

شو بيستوي إذا وزارة التربية حددت لون معين للشنط المدرسية مثل ما حددت لون الزي المدرسي

والسموحة من صاحبات الماركات

9 thoughts on “لون محدد لشنط البنات المدرسية!!!!!”

  1. مب من الوزاره هذا قرار تقرره المدرسه ، بس مب حلوه حلو الواحد يتميز بشيء

    في مدرسة عيالي المدرسه تعطيهم المقلمة والاقلام عشان يكونون سواسيه ومحد يتميز بشيء افضل عن غيره

    بس شنط مدرسه ماركات ما يسوى ،

  2. في موضه ثانيه طالع لكل فصل شنطه … يعني الفصل الأول شنطه والفصل الثاني شنطه … وعلى ما جرا

    حتى على أيامنا كل فصل شنطة (^^)

    __________________

  3. أسمي لو بنتي تقولي بابا أبا شنطة ماركة بسير المكتبة بييبلها سير فسفوري وعليه علم الإمارات
    وبقولها هذا ماركة الإمارات تبين ما تبين برايج

Comments are closed.