يا جماعة الخير
يا المشرفين
يا ثقات المنتدى
وقفوا هالترهات
وقفوا هالسخافات
وقفوا هالاشاعات
قبل ما كان هاشي يصير
قبل هالمسخرة ما كانت موجوده
قبل كانت السيطرة للمحللين
واليوم الاشاعات مالية المنتدى
واليوم حد يطلع اشاعه عن الاتصالات
واليوم حد عن تبريد وحد عن اعمار
نحن نقبل القراءة الواقيعة للمستقبل
نحن ما نعارض اذا حد قال دبي الاسلامي وتبريد راح يتجزئون
نحن ما نعارض حد اذا قال الاتصالات راح تسمح للاجانب بامتلاك اسهمها
لكن اشوف الاشاعات زادت
لكن اشوف تحديد تواريخ ومعلومات
لكن اشوف اخبار مالها اي اساس أو صحه
هم يشوهون سمعة المنتدى اولا
هم يشوهون شفافية مجالس ادارات الشركات ثانيا
هم يشوهون سمعة البورصة الاماراتية امام الاخوان الخليجيين ثالثا
المنتدى في خطر دام الوضع جي
المنتدى اللي ما يدخله بيكون في امان من الاشاعات
المنتدى الواحد صار يبني قراراته على الاشاعات
بو مجرن دخيلك تتدخل ووقفهم عند حدهم واطردهم شر طردة بعد انذارهم
بو مجرن لا تسمح لمصداقية المنتدى ان تهتز
بو مجرن، انت وبنت الامارات وبو عمر وبن دينار وغرشوبة جدها وجدود
بو محمد ، ميداس، السهم الذهبي،، مشكورين ونخدمكم في الافراح، يعني الاعراس، يعني الحرمة الثانية، بس مواطنة، يعني 70000 ألف منحة، 70 ألف منحه يعني تقريبا 7 آلاف سهم الدار، 7 آلاف سهم الدار يعني 140 ألف على آخر السنة (7000*20)، 140 ألف يعني تقدرك تسوي العرس في جراند حياة ل 700 شخص، بس خلاص
المهم يا اخوان لا اعتراض على الاشاعات، ولكن بعضها وايد ماصخ (نسبة للبعض) وما تلقاه الا في المنتدى،
مثلا:
واحد يقول الاسبوع الياي السماح بدخول الاجانب للاتصالات!
شو هالكلام، وين مجلس الوزراء، وين الجمعية العمومية!
واحد يقول ان اعمار بيشترون تبريد!
هذا شو تقوله غير ان اسمنت رأس الخيمة الابيض راح يشترون بنك دبي الاسلامي!
يعني لا تكهنات ولا تحليلات
مجرد اشاعات بايخــــــــــــــــــــــــــــــــــــــــــــــ ـــــــــــــه
هههههههههههههه بو مانع… أسميك هلكيتني ضحك…
أحينه ناخذ الحرمة الثانية عسب المنحة؟ والله فكرة.
بو مانع بتتعب صدقني… وايدين اللي يعقون رمسة بس عسب يبيعون أسهمهم علينا.
يقولك اعمار خلاص ما بتبني البرج… بتيمّع بيزاتها عسب تتزوّج الدار
و باجر بيون يقولونلك: والله دبي الاسلامي خلاص بتدش روسيا تحول الكازينو مالهم اسلامي… يالله اشتروا السهم
المشكلة والله في ناس لا حيا… يستفيدون من المنتدى و ينسون فضل المنتدى عليهم. عيل حد يدخل و يقول: ببيعلكم اشاعة فرش تونا طابخينها بالمبلغ الفلاني؟ (افهم ياللي في بالي)
الله كريم…
بومانع اخوي الله يمنع عنك الشرك ياخي الجماعه مايبون يفهمون اتعامل معا الاسواق الماليه فن وعلم ومايعرفون انه مضاربه هي الي شعللت السوق حتى الى قرى مقالت الفهيم اليوم وهو معروف بالمستوى المالي قال انه جميع الاسواق العالميه تعترف بالمضاربه دام هيه على علم ودرايه الهيئه بس بقاوانين صارمه لازم الى يطبل لسهم ما يحلله ويعرف ادخول والخروج منه وذاكرت مايو بتم معلقه في الاذهان ولا يوم السبت ماشفت حد اشترى حتى المحافظ توقفت عن الشرى لانه الموج البشرى المقصود بالمستثمرين الصغار قامو يبيعون اسهمهم بعد فوات الاوان وبرخص التراب انشالله يكون دارس نافع وسوق مافيه ثقه في اي سهم ولاتقول هذا السهم وراه فلان ولا علان ترى لورحت عند علان بعد خسارتك في سهمه بيقولك السوق شطاره ياتربح او تخسر
ولا ننسى جميعا قاعده السوق اذا انته تربح في اطرف الثانى احد خسر واتحدى اي واحد عنده اعتراض في هالمقوله
لاتبدى حيث انته الاخرون
والله ماعليك حلفان يابومانع اني يوم السبت كنت في سوق بوظبي كان الاتصالات على 35 لمت داون وناس محتشره وجنه والله هب سوق مالي المهم واحد والله يكسر الخاطر قال حق الوسيط بيعلي الاتصالات على 30 درهم قاله الوسيط مايستوى الحد الادنى اليوم مال الاتصالات على 35 كيف ابيعه على 30 ماقولك ماشتريت في الاتصالات ولا بطبلهه بس يوم شفته ارتد خذيت فيه موعشان سواد عيون الاتصالات لا مضاربه بس ولا ماعرف اطبل حق سهم
تصدق واحد قال اترياه يوصل 100 قتله انشالله يمكن باجر يمكن بعد باجر صدقني يوم اشوف عليه جني ارباح بابيعه ومابخليه عندي ولا باحلم انه يوصل السعر الفلاني
اخويه الاشعات و التحاليل الفنيه اهم اسباب ارتفاع الاسهم
وهذا شي طبيعي
في المنتديات
في السوق
مابين المضاربين
ان الاشعات اتكون منتشره
:-/