السلام عليكم شباب

لو سمحتوا ابغي معلومات عن ال Toyota FJ Cruiser

كم سعر ال 4X2 و ال 4X4

وشو الاحسن

شو صرفيتها للبترول

شو سواقتها

كم بيمتها

هل تنفع للبنات ولا لا (( للمعلومات سواقتي عبيطه شرات سواقة الشباب… ))

..

اني ابغي اخذ سياره فورويل..لاني ما اعرف اسوق صالون..ومن النوع اللي اطلع رحلات بر و يبال و هوايتي التبركين على الرصيف..حطيت عيني على الاستيشن 2008 حبطوني الاخوان في موضوع احد الاخوة

يا ليت تفيدوني..

18 thoughts on “لو سمحتوا …بغيت معلومات عن Toyota FJ Cruiser”

  1. السلام عليكم

    اختي عندج لكزس Rx فوريل السياره بناتيه ووايد حلوه خصتا انها لكزس وعندج انفينيتي الفوريل واذا بتاخذين استيشن 2007 مستعمل بعد زين

    وشي مازدا فورويل يديد..فنان والله

  2. مأنصحج به ….. خذيلج نيسان فتك أحلى .. بس لاتنسين تركبيه هدرز وتوربو وأنتركولر وازقيت من عند بن سليم

    هاللي قاصر والله

    صدق من قال ..صحيح اللي اختشوا مااتوا..

    استوينا انشووف المواطناات بإستيشناات وفتكاات وهمراات والحين FJ

    استغفر الله يارب..

  3. مأنصحج به ….. خذيلج نيسان فتك أحلى .. بس لاتنسين تركبيه هدرز وتوربو وأنتركولر وازقيت من عند بن سليم

  4. بعيييد عن موااصفاااته واستعمااااااله..شكله وحجمه أبد مايصلح للبناات..

    ماانصحج فيها..

  5. مشكورين اخواني

    بعد بحث طويل شفت شكلها من داخل …

    بمجرد النظر ظهري عورني ههههه

    وانا من النوع اللي وايد اسوق و مشوواير البيت ما تخلص شغاله دريول من غير الرحلات و الخطوط شهريا.

    وصدقك يا انفنتي شكلها مب لين هناك للبنات…يمكن تليق عالدفشات شراتي بس شفتها من داخل ورا ضيقه…

    مممم نزلت موضوع عن البرادو و بقارن المواصفات و ان شاء الله خير

    وفي النهاية بستخير

    تسلمون مره ثانيه

Comments are closed.