لو سمحتوا حد يعلمنا طريقة الشاي كرك ( قياس دبة مسافي ) لتر ونص

16 thoughts on “لو سمحتوا حد يعلمنا طريقة الشاي كرك ( قياس دبة مسافي ) لتر ونص”

1. مشكورين :
   الطائف المأنوس :
   الغزال الشارد
   اليوم بجرب و بخبركم عن افضل طريقة

2. 
   طريقة الكرك الي ايفر الراس فر من ريحته وطعمه..

   صب الماي الي هو الغرشه الكبيره مال الماي وحط عليه فنجانين شكر وخله ايثور وعقب حط عليه الشاي البودره انا افضل شاي اسمه سوسايتي او ريد ليبل بس حط تقريبا 4 الين 5 خواشيق مال الاكل وحط ربع او نص خاشوقه هال مطحوووووون وخله ايثور لمدة 5 دقايق وعقب صب عليه قوطيين ابوقوس (2 مب واحد) عشان يطلع غليظ وعلى الطلب ..وعقب قصر على النار وخله يطبخ 5 او 7 دقايق … بس حط في بالك اذا بتصبه في الدله اتراه غرشة الماي الكبيره وايد على الدله يعني قلل من الماي
   وخلاص اشرب وقول رايك

3. أسمع مني وانا اخوك …

   بخصوص الكرك ، أفضل الشاي الي يكون في غوري صغير..

   1. اجعل الماء يغلي وأخفض النار ومن ثم ضع السكر فنجان ومن ثم 5 حبات هيل مثقوب .

   بعد دقيقة بالضبظ ضع الشاي واجعلة على نار هادئة حتى تشم ريحة الشاي والشاي عادة يكون 3 ملاعق ونصف ويفضل الشاي الهندي الغليض او ليبتون او 6 حبات ليبتون ابو خيط.

   بعد ذلك ضع علبة حليب كاملة ولا تنسى ان ترجها جيدا ومن ثم الزعفران الاصلي مقدار ملعقة شاي .

   اتركة 12 دقيقة ومن ثم حركة بملعقة قليلا واتركة 3 دقائق آخرى.

   ربي اشرح لي صدري…

4. Humaid.o
   مشكووور عمي .. اليوم بجرب الطريقة و بخبرك

5. غرشة ماي مسافي + كوب بلاستيك الأبيض يكون طبعا فل الا شوية يعني اقل من الربع فاضي تمزره شكر وتخليه يفور، عقب تحط عليه نفس الكوب ويكون متروس جاي رد ليبل بودره مب اكياس وشوية هال وتخليه يفور لفترة معقولة وعقب قوطي رنبو ابوقوس وتخليه يطبخ ع راحته وخلاااااص لاتحط لابسكوت ولا ماي ورد ولا هالخرابيط لأنه يخرب الطعم

Comments are closed.