السلام عليكم ورحمة الله وبركـاته
كل واحد يختار نك ويستخدمه سواء في المنتديات او في جاتات الكتابة ام الصوتية او في الإذاعه ……. الخ
اباكم اتشاركون وتكتبون اسباب اختيار النك او (اسم المعرف)
انا اول بادي ببدأ
عن نفسي انا
اول ما اخترت نك نيم … اخترت (ملك دبي) ترجمته بالإنجليزي الي هو الحالي الي استخدمه (King Dubai) من سنة 1998 … فقمت اشوي أطور شكل النك قمت اضيف 3 نجوم وظفت رقم واحد *** ملك دبـــ1ـــي*** .. وسبب إضافة الرقم (1) هو دومي أحب اكون الأوووووووووول
واشتهرت وايد بهالاسم … حتى ربعي قاموا يزقروني بـ (كنج)
الاشياء الي خلتني اختار النك هذا .. اول شي احب دبي وثاني شي ما حصلت بنك نيم يليق بي .. غير اني ظفت كلمة ملك على دبي … فاستويت ملك دبي … والكل يدري ماشي ملك في دبي … واستمريت على هالنك لين يومكم هذا
أسميني اتذكرت الديزاين هذااااااااااا …. *** ملك دبــــ1ــــي*** …. (أيام حلووووه)
يالله احين كل واحد فيكم يبدأ يخبرنا عن قصة النك نيم ماله (اسم المعرف) … وبداياته وتاريخه !؟
وسلامتكم
القلم الحر
القلم عندما يكون حرا حينها سيطلق عنان كتاباته وانتقاداته
دون أن يقف في طريقه أي عائق إلا عائق المرض أو الموت
هذا الاسم عندي من سبع سنوات
لكن سابقا كان freepen
لكني من سنتين ترجمته للعربي
شكرااا عالموضوع
انا عن نفسي اخترت azzurri
لان هذي كنية المنتخب الايطالي الازرق بطل العالم 2006…..
انا ايطالي حتى النخاع………
تحياتي
Missing Old Days ………….
كانت أيام حلوة في حياتي …. و ماتنعاد ….. عشت أيام مافي أحلى منها …
عسب جي كل ما أكتب النك و ألا الإيميل … أتذكر الايام الخوالية ….
أتمنى الاجابة تكون واضحة …
حصه و عذاري = اسامي المستعار
نحن ثنتين
بنت عمه + بنت خال