بسم الله الرحمن الرحيم
كيفكم يا جماعه ؟
لاحظت كثير من المرات انه الواحد يقول طالب سياره وراح تجي بعد كم من شهر !!!! يا قلبه من الانتظار !
اهي مشكله من الوكيل يعني ؟ كل ما يحصل دفعه تخلص ؟ زين ليش ما دام عارف ما يطلب دفعات كثيرة ويخلص الناس !
ولا العكس يخاف يجيب دفعات وما تتحرك من المخازن وصار يعتمد على الطلب ؟
لانه مع احترامي في بعض الاشخاص ويعض المحلات تستغل هذي النقطه وتبيع سياره ان كان على الزيرو ولا مستخدمه خفيف بسعر اعلى !
وجهة نظر لا غير
مع احترامي للجميع
وشكرا
ازمة السيارات عندنا في الامارات صارت بعد ارتفاع البترول عالميا و بخاصة في امريكا و بالتالي زاد الطلب على ماركه هوندا و تويوتا لانها توفر في البترول وطبعا تويوتا مسيطرة على اسواق الخليج بشكل عام والامارات بشكل خاص على عكس امريكا اللي مسيطرة علية الشركات الامريكية وبالتالي فان انتاج تويوتا وهوندا يتم تصديرة بالدرجة الاولي الى امريكا والاهم هو السوق الامريكي الكبير في مقابل سوق خليجي صغير نسبيا
سبحان الله وضع غريب شوي
مثل ما قال Nbad
لاني لاحظت الامارات اوتو تريدر
لانه كل السيارات موجوده وتقريبا على الزيرو عنبوهم اذا كانت كميات الامارات محدده من وين محلات الشارقه والغرير يجيبون سيارات بكميات كبيره على الزيرو !
اذا بنتكلم عن الفراري او اللمبرجيني و الاوستن مارتن و هالنوعيه من السيارات فعلا تكون بكميات محدوده
او اذا السياره نازله شكل يديد يكون الطلب زايد عليها
النوعيات الثانيه متوفره لكن على حسب معرفتك بالوكاله و كميه السيارات اللي تشتريها سنويا
و على حسب بكم بتدهن سير اللي في الوكاله
اسمحولي على هالكلمه بس هذا الواقع
تستغرب يوم اتروح و يقولك الانتظار من 6 الى 8 شهور (( احباط ))
و نفس الوقت المعارض متروسه من نفس السياره و كل فتره يستلمون غيرهن (( الله يزيدهم))
و طبعا السعر مبالغ فيه
و بعد كم يوم يتصلك اللي في المبيعات ويقولك في واحد بيتنازلك عن سيارته بس يبا 10000
و يوم تروح عشان يتنازلك اتشوف الريال ما يروم يشتري سيكل مب سياره !
و لستته اللي يبون يتنازلون ما تخلص عند صاحبنا
و سبحان الله كل اللي بيتنازلون هنود
الله يعلم فلوس التنازل لمنو فيهم تروح
الهندي او صاحبنا راعي المبيعات
الله المستعان
ماقصروااا الاخوان الصراحه