السلام عليكم ورحمة الله وبركاته.
بدخل دخول قوي شوي.
الحين انت تعرف بشو هذا الشخص يمر به؟
المعاش اللي تستلمه من وين اييك؟
كثير منهم يداومون بعاد عن اهاليهم لمدة شهر او اكثر في هالغاز والخطر والتراب والحر.
بعطيكم مثال جزيرة داس فقط:
تدري ان في داس فيه غاز H2s يقتلك خلال دقايق بسيطة. هذا الغاز له رائحة البيض الفاسد (تزوع لو مب متعود عليها) ولو انقطعت ريحته عنك اعرف انك تنتهي.
بس طبعا له معاملة خاصة في داس للتخلص منه.
هذا الشخص محاط بخطر شديد وما في مفر. يعني الريال في جزيرة. لو صار اي شي لا قدر الله, وين بيشرد.
وشغال بين هالمصانع والازعاج وخطر المكاين وتلوث الجو. هذا شخص محبوس ما عنده غير الشغل, المطعم. المسجد والغرفة.
هذا في داس فشوا ببالك اللي يداومون في الرقوق البحرية او الصحرا
تقارنون هذا الشخص بشخص يشتغل في بوظبي يالس في مكتب وبين اهله وبأمان يسير وايي وين ما يبا يسولف ويا ها ويسولف ويا هاي. ماشي شغله الا اتكشخ عشان تشوفه هاي انه حلو او تتكشخ عشان يشوفها ها انها حلوه. ( البعض وليس الكل).
كيف تريد تساوي معاش اللي يشتغل بأبوظبي ومعاش اللي يشتغلون بالبترول. وكيف تريد اللي يشتغل في البترول يسكت ويشوف ان معاشات اماكن الراحة اكثر بكثير عن معاشه.
وطبعا نحن ما نطالب بنقصانهم, الله يبارك لهم في مالهم. ولكن نطالب بتقدير عملنا.
شغل حقيقي مافي.. اجازات بالهبل.. راتب خيالي..
دوام العمليات 12 ساعة وراحة 12 ساعة. لمدة 14 يوم. في 12 ساعة عمل, بريك للاكل والصلاة. شفت صبح لمدة ست ايام من 6 الصبح ل 6 المغرب. وشفت ليل من 6 المغرب ل 6 الصبح. وبعدها اجازة 14 يوم.
لا تنسى انهم في وسط الغاز والدخان والتلوث ومخاطر التسرب او انفجار وغيرها.
تجري سبب الاجازة الطويلة؟ يوم بتشتغل اهناك بيخبرونك. اخاف اقولك وتغير رايك.
“لا تحاول توهم نفسك انكم انتوا اللي تشتغلون والباقين رقود.”
ما احيد اني قلت جي. بالعكس مثل ما قالوا الشباب. الكل مرتبط. لو لا الله ثم سبب المدرسين ما استوينا مهندسين. ولو لا الله ثم بسبب الجيش وامن الدولة ما شفتنا نشتغل في البترول وغيره. والفضل يعود لله ثم للوالد رئيس الدولة رحمة الله اللي أسس البلاد ونماها.
المهم, حاولت اثبت وجهة نظري ولكل وجهة نظر. واشكر كل من شارك وكل من سيشارك.
اسمحلي أخوي بس انت فاهم غلط.
زيادة اسعار البترول مالها علاقة لا من قريب ولا من بعيد بالشباب اللي يداومون بالجزر!
وبالمناسبة ربعنا كلهم يشتغلون في الجزر والحقول وما في حد مرتاح كثرهم!
شغل حقيقي مافي.. اجازات بالهبل.. راتب خيالي..
فعلا وظيفة الاحلام بالنسبة للشباب.
لا تحاول توهم نفسك انكم انتوا اللي تشتغلون والباقين رقود.
ترى صدقني التحديات برة أكبر بكثير.
دورلي وظيفة معاكم الله يخليك.
ولما يصير تسرب خطير وانفجار حقل.. يصير خير ويحلها الحلال!
أنا راضي.
منقذ
اشكر الكل على المشاركة وطبعا هناك بعض الردود مب فاهمين الموضوع.
موضوعي في الاساس هو رد على بعض الناس اللي تقول ان نحن نغار من اي زيادة تصير ويقولون بسكم انتوا مال البترول كله تبون الزيادة. طبعا نبا الزيادة لانه من حقنا.من حق اللي عانوا من التسمم والبتر وفي بعض الاحيان الموت لتوفير المعاشات لكم من بعد فضل الله علينا طبعا.
فى النهايه هى ارزاق لو كل واحد قال الحمدلله وسكت احسن له لا تيلس تشوف شو عند غيرك اقتنع باللى عندك مثل ما قالوا الاخوان فى الدوائر الحكوميه كنا نستلم اقل رواتب وما حسدنا حد الحين زادونا لكن الكل يشوف الراتب الاجمالى فى ناس طلعت خسرانه خاصه اللى درجاتهم اقل من ال 4
لو يستاجر يطلع له فى الشهر راتب 12 الف؟ وايد على مواطن هالراتب يعنى
ولو الدرجه الرابع الراتب 33 الف؟ بس ماشى تعليم ولا سكن ولا بونس ولا تذاكر اللى فى البترول لهم مميزات وايده اكثر من الدوائر الحكوميه واللى يقول انه الدوائر الحكوميه مافيها دخل غلطان مافى دائره ما تدخل وبعدين ليش الحسد ترانا نشتغل ونخدم الحكومه والزياده اتوقع بتكون للجميع لكن بالتسلسل حبه حبه على قولتهم لو كانت الزياده للكل وفجأه بترتفع الاسعار الحين التجار ما يقدرون يرفعون لانه الزياده مش للكل وبعدين كل موظفين الدوائر الحكوميه يعيلون اسر فى النهايه مافى حد ما عنده اخ او اخت تشتغل فى الحكومه واكيد اللى ما فيه خير فى اهله ما فيه خير والشيوخ لهم نظره
فى النهايه لو الواحد راتبه 5 الاف يقول الحمدلله مليون مره