ليش دايما يبيعون حلويات وخفايف عند الكاشير؟

تروح السوق تشوف عند الكاشير أرفف حلويات وككاو وثلاجة صغيرة بيبسي ومرات حتى ألعاب صغيرة ومجلات ومسواك وبطاريات وخرابيط الدنيا كلها،،، ليش؟

مو بس الجمعيات، حتى محلات الملابس عند الكاشير تلقاهم يبيعون اكسسوارات وعلاقات مفاتيح وبواكه.

بمحلات الألعاب تلقى عند الكاشير ألغاز صغيرة ولمبات وفقاقيع وألعاب صغيرة.

بكاشير اللوازم المكتبية يبيعون أقلام ونوتات وعلاقات مفاتيح وكروت.

اللي قاعدين يسوونه هو استغلال لنظرية الشراء المندفع (impulse purchase)، تعريفه هو عملية شراء غير مخطط لها أو عفويّة.

يُعتبر من خطط التسويق الفعالة. يخلونك تشتري شي مو محتاجه بس يراوونك اياه بطريقة تحس كأنك تبيه،،، لعااااااااانةةةةةة تباً لهم Error! Filename not specified.

يعني تخيل تروح تبي تحاسب تلقاهم حاطين عند الكاشير ثلاث قطع ككاو مع بعض وكاتبين الثلاثة بسعر قطعتين. وانت بالأساس كنت رايح بس تشتري بطاريات وتطلع. إذا كنت تحب الككاو احتمال كبير تقعد تطالع وتجيك السعر وتمسكه تفكر بعدين تقول يااااللللههههههههه كللللههههههه ثلاثة أو خمسة ريال Error! Filename not specified.

حط ببالك هالعرض لو حاطينه برف الحلويات بعيد عن الكاشير ما كنت تشتريه أصلا ولا تمر عليه، بس هم يستهدفون الناس بهالسوالف المشهورة ويحطونها بنقطة يمر منها الجميع.

9 thoughts on “ليش دايما يبيعون حلويات وخفايف عند الكاشير؟”

  1. أنا هالسوالف ما تغريني بالمره،

    بس يقهروني يوم يحطّون الكاكاو اللي على شكل بيضه و داخلها لعبه (كندر سبريز).

    عيالي يوم يشوفونها يتخبّلون، و يشلّون الجمعيه على راسهم، عسب أشتريلهم.

  2. صح خاصه يوم تكون شاري تويكس وسنكرز وتسير تحاسب وتشوف لبان Extra تقول صح لازم اخذ Extra عشان ما تسوس اسناني.

  3. فعلاً يالغالي أنا ملاحظ هشي من زمااان

    بس بيني وبينك كل ماشوف الحلويات عند الكاشير لازم آخذلي شي منهم ليش … ماااادري ..

Comments are closed.