السلام عليكم ورحمه الله وبركاته
في موضوع قريته في إحدى الكتب ولفت انتباهي اللي هو بما في معناه أن هل لأغاني الروك لها تأثير سلبي عندما يقود السائق السياره واللي شد أنتباهي أكثر أن مثل هذي الأغاني تخلي الواحد يزيد في السرعه اثناء القياده…
فحبيت اعرف شو رايكم في الموضوع…
وليش الشباب يطولون عالمسجل في السياره..
وهل هنالك علاقه بين التطويل عالمسجل والسرعه…
هذا اللي يسمونه الضوضواء بعينها مزعجين
انزين حتى يوم المسايد تأذن أستغفر الله العظيم
في بعضهم تحصلهم مربوشين واللي زعلانين واللي مادري شوو
والله حتى قو بابو وراجو مساكين يطولون عالمسجل يوم يرتبشون
في أغاني مايستوي تسمعينها بصوت واطي مب شي
لازم صوت عالي وخصوصا اذا شي سيستم الصوت شي مو طبيعي 
مستحيل الصوت يكون واطي
وشي أغاني عادي لازم تنسمع والصوت ع الواطي الأغاني الرومنسيه
والاغاني الحزينه 
والي اونهم يحبون وجي هاييل دوم الصوت واطي ووحليلهم أشكالهم اتعور القلب
والي يطول ع المسجل لاازم يكون متخبل في السواقه يجاوز يمين يسار ويسرع بس جي لامستعيل ولا شي بس يخرب بيت الاندماج
ولفت الانتباه عند البعض استوى شي مهم في ها الزمن لازم الواحد يوم يمر مكان يخلي الخلق كله يطالعونه هو يتحرى من زين الي يسمعه مايعرفهم يقولون شو ها الخبله والي مب صاحي
و ع قولة بعض الشباب ( يبا يسويله جو )
صح بعض الأغاني تجبر الواحد يطول عليها ويندمج وياها وتخليه يسرع بالسيارة وأنا شفت ناس وايد تسوي جذه يوم يضرب الخبال عنهم .لكن بعض الشباب قاموا يطولون على مسجل السيارة كامل وينزلون زجاج السيارة ويسببون ازعاج لغيرهم بس علشان يسمعون غيرهم.وهذي الحركة مول ماتعيبني لأنها الصراحة غير اخلاقية. وفي ناس يسمعون أي أغنية ومطولين بأعلى صوت بدون سبب.
خخخخخخخ
عجيبه هذي الخرشه
أنزين أوكي يعني الواحد لازم يطول عالمسجل وهو يسمع هذي الأغاني خل يسمها وهو مقصر عالمسجل شو بيستوي فيه…
وأسمحلي أقولك أن هالبنات ما يستحون اللي يطولون عالمسجل
واحس أن السبب الرئيسي هو لفت الإنتباه
الله يهديهم
اصل الخرشه اتي حق السرعه يوم يندمج الشخص ويا الاغنيه خصوصا اغاني الربشه
وأغاني الروك كلها دق طبول وايقاعات يعني اغاني اتفر المخ خخخخخخ حق الخبال والهبل ف الواحد يوم يسمع ها الأغاني اتيه خرشه
ومب بس الشباب الي يوطلون ع المسجل احين البنات ماشء الله مايقصرون كل وحده شاله الدنيا ع راسها شايف بأم عيني بعد