السلام عليكم
بصراحه بخاطري حد يتقدم بعمل مركز نسائي خاص يعني اللي يبيعون وكل اللي يشتغلون فيه نساء ما شفت ولا واحد في الامارات ؟ على الاقل الوحد تاخذ راحتها بالتسوق والريال يتطمن على أهله وهم بالسوق !!
بس اللي بيفكر يسوي لا يسويها نار وغاليه لأنه اذا كانت الاسعار مرتفعه ما بيشوف اقبال
هذا اذا حد فكر يسوي لول 🙂
أخوي بو زايد إن عرف السبب بطل العجب ..
يعني لازم يعرف الشخص الاسباب اللي تخليه يقول عن المركز هذا فاشل ويحاول يحله ويوصل لح يقضي على السلبيات مب يوقف عند نقطه ويقول خلاص فشل !!
وصحيح السياح يحبون الاسواق الشعبيه لكن هنا نحن نتكلم عن حريم البلاد مب السواح ؟!!
والسموحه منك
اعتقد بيكون فاشل
مع انه شي زون كان من انجح المولات وكانت خطته مدروسه لان جمع بين
المحلات اللي محتاجه للحريم من صالونات ودور سينما ومركز العاب للاطفال وغير جذيه ما كانت
المحلات متكرره بالعكس متنوعه لكن بعد ما باعه صاحب المول المستثمر خسرو الناس اللي اشتروه
اعتقد كانت عندهم سوء ادارة
انا بقول
ليش ما تكون اسواق شعبية
علما حتى السياح يحبونها ما ادري احس انها متعه في التسوق
aljemri
الله يوفق الجميع أخوي شكرا وأتمنى بصراحه لو حد عنده امكانيه يسوي هذا الشي
+++++++++
المطروشي
🙂 تذكرني بيدي الله يرحمه لما تقول جذي
في محلات ما اقول لك لا لكن نادر ومكشوفه للرايح والراد مثلا ماشي خصوصيه وهالسنه دخلت محل ما يدخلونه الا حريم ممنوع ريايل لكن شووووو شفت أسعارهم ثلاث أضعاف أسعار السوووق !!!!!!
++++++++
Analyst
سلمت اخوي ممكن تذكر النقاط السلبيه والايجابيه اللي تدور ببالك علشان نناقشها ونشوف تأثيراتها ؟
++++++++
اماراتيه وبس
هلا وغلا 🙂
شفتي كيف الواحد ما ياخذ راحت وتتم بخاطره أشياء ما يقدر يوصلها لسبب أن إحراج لنا
والسعوديه في مراكز بهالطريقه لكن سمعت أن أسعار المحلات دبل ؟ ليش؟ وليش ما يكون مثل سعر السوق ؟ وما يوفرون البضاعه الزينه والديكور اللي يلفت النظر
ليش ما يكون عندنا مركز عدل فيه المحلات اللي تحتاجها الحريم ومثل ما قلتي انا اشوف وايد حريم يتشرن لأعمارهن وعيالهن وحتى أزواجهن وأخوانهن ……
+++++++
سنقباسي نحن ما نبي أحساس .. نبي نشوف الاشياء اللي تخليك تحس بهذا الشي وأسبابه
وتبي الصراحه انا انصدمت من كلام وحده من بوظبي الاسبوع اللي فات وانا اكلمها عن هالموضوع قلت لها ليش قلتي ان ما كان في اقبال على المركز اللي سوه في بوظبي ؟؟!!! تعرفون شو قالت ؟؟
والله صدمتني .. قالت إن البنات بيروحون يتسلون => انزين سألتها شقصدج يتسلون ؟؟ وانا ولا عارفه شتقصد ولا يا في بالي الا لما قالت لي يتسلون يروحون يطمشون عالرايح والياي والحريم والريايل ؟؟ وهي أصلا كانت تقصد آخر شي ؟؟
يعني الحين هدف معظم البنات هالايام الطماشه من الاسواق ؟
لكن في حريم وايد تحتاج مثل هالنوع من المراكز!
لكن مب سعرهم الضعف ويوفرون البضايع اللي يحتاجونها وبرأيي الموقع يلعب دور كبير
المركز احسه بيكون فاشل ..
والدليل المراكز الموجوده
لو مب مخلوطه ما قام سوقها
ادرسوا المراكز الموجوده
ليش بعضها عليه زحمه والآخر لا
مع ان معظمها تحوي على نفس المحلات
والله فكره حلوة وبالفعل نحن محتايينها
البارحه سرت السوق ومن بعيد عيبني محل ولما وصلت عند الباب إلا أشوف ثلاث رياييل متيامعين في المحل ، استحيت أدخل ورديت البيت وبعدني بخاطري أشوف البضايع
وبصراحه الحرمه هالأيام هي إللي تتشرا كل الاحتياجات والرياييل دوم مشغولين مب متفيجيلنا