السلام عليكم .. انا مستغربه من مطار دبي يوم انسير لهم نبا وظايف قالو قدمو علي النت و من ٢٠٠٣ و انا اقدم و يوم اتصل يقولون اصبري و بنرد عليج..
سنه ٢٠٠٣ والله جدام عيوني كنت امقدمه و عطيت اوراقي الريال و حط اوراقي اول شي اشكره يت وحده كانت امقدمه قبلي بدقيقه سمعت الريال يقولي خلاص انا بخلي السيفي مالج اول شي اتعرفون شو سوت البنت يت امحرجه و اتقول حق الريال يا سلام ليش اتقولها اوراقج اول شي حط اوراقي فوق اوراقها!!!!
و الريال كان مستغرب من اسلوبها بس علي هذا ما بغا يرد عليها و حط اوراقها فوق اوراقي و التعرفون عقب فتره ٣ شهور شو استوا سرت اسال عن السيفي مالي قالولي سيري عند فلانه في الموارد البشريه و يوم سرت كانت هيه البنت نفسها الي كانت اضارب الريال المهم سالتها عن السيفي قالت لي قدمي مره ثانيه و لين يومكم هذا كل ما اقدم ما احصل خبر حتي رفض ما احصل … حاولت ادور واسطه مع الاسف الي اعرفه ما يبا يسوي شي ولا اتقولوي وين تبين يعني ؟؟ انا ابا It لين هذا تخصصي و حابه امارسه مع الاسف والله
يحطون ناس في مكان وايد حساس و يباله ضمير حي بس بعد سبحان الله كله نصيب و الله يوزع الارزاق
الله يسهل عليج يا ختي ويسهل على كل حد يسعى على رزقه ورزق عياله امين ان شاء الله
شوفي أنا بقولج قصتي أنا أراكض من 2003 وعندي ثانويه عامه ونسبتي 80 أراكض من
مكان لمكان وكلهم رفضوني لاني مب لين هناك في الانجليزي سنة 2007 كانت بداية خير عليه
قدمت عند الكوادر الوطنية
:: برنامج الإمارات لتطوير الكوادر الوطنية ::
هذيل تقدرين تقولين عنهم الواسطة بس مب أي واسطة أوامر من الشيخ محمد بن راشد
هم يركزون على القطاع الخاص بس أنا توظفت في الحكومة عن طريقهم سرت المقابلة رمسني
أحمد الطنيجي قالي كم تبا راتب قتله 4 تآلاف قالي وايد شويه بنخليهم 5 وقالي بنطرشك كلية طيران
الامارات قتله سرت عندهم ورفضوني قالي ماعليه بنطرشك مره ثانيه عندهم وسرت ودخلوني كورس
انجليزي وياراتب 6 تالاف درهم وعقب في الدوام بيزيد فيه شي مهم المسؤول في الكوادر الوطنية
قالي البنات وااااااااااااااااااااااااااااايد يشرطن لاتحطون شروط ولاتقولين أبا وأبا إنتي إتوظفي وعقب
بترتاحين لشغلج وبتحصلين خبره وتخصصج كمبيوتر منو بالله عليج مايستخدم الكمبيوتر في وقتنا الحالي!!!
لادمرون معنوياتكم دبي فيها خير وايد وإنتوا عيال البلاد الأولى في الحصول على وظايف وشوفي
من يطرشونج الكوادر الوطنية مكان عشان الوظيفة بتكون مضمونه 100% حسب تجربتني وهذيل
اللي مقدمه عندهم شكلهم مال دائرة الطيران المدني هذيل انا مقدم عندهم في النت وسولي
مقابله في التلفون بالانجليزي وقالولي ضعيف في الانجليزي جربي طيران الامارات
قلتيها يا اختي ارزاق
ماتدرين وين الخيره يمكن ربي رايد لج مكان احسن عليج بالدعاء وكثره الاستغفار
وربي يسهل عليج وتتوظفين بالمكان الي تبينه
الحصول على وظيفة في مطار دبي أسهل من شرب الماي لأني أنا بتوظف في المطار
وينكم يوم طيران الإمارات يحطون إعلان في الجرايد ويبون اللي عندهم ثانويه عامه؟؟؟
7 تآلاف درهم كبدايه حلوين والداوم شفتات ولازم يوني فورم هذا طيران الامارات هم يبون وايد موظفين
حاليا لان المبنى 3
ومبنى الكونكورس 2 والكونكورس 3 بيكونون بس حق طيران الإمارات وهذا الإعلان حطوه الشهر اللي
طاف في الجريده
showthread.php?tid=
الله المستعان
هذا الزمن زمن الواسطات فيتامين واو