ليش يا تلفزيون ابوظبي

9 thoughts on “ليش يا تلفزيون ابوظبي”

1. صراحه وليد قلبتوا المواجع وضربتوني على الوتر الحساس……..

   انا اداوم في هيئه محليه في ابوظبي والقسم اللي انا فيه كله مواطنين بس لاعبه عليهم وحده من جنسيه عربيه ومحطينها سكرتيرة القسم واي واحد يريد يسوي اي شي او يبتكر فكره او يطرح موضوع على طول تعفد وتقول شغلكم مب اوكي وانتو ماتعرفون شي وتتفلسفون …..

   وعلى الرغم انها في قسم طبيعته الرئيسيه يتطلب رجال مب حريم وهي عايثه فساد في هذا القسم وتتفلسف واربع وعشرين ساعه ما تطلع من مكتب مديرنا الطيب المسكين وتحطي على الشباب
   وتفتن عليهم والمدير مسكين على نياته ….

   والله انها ما تعرف شي ومسويه عمرها ام العريف
   والمواطنين اللي يدامها يهال ويوم اشوفها وايد اتضايق…..

   وعلشان ما أظلم حد من الوافدين وبصراحه في بعظهم يستحقون التجنيس بعد علم وخبره ودين واخلاق وعباقره ويشتغلون بضمير في السر والعلن
   الله يخليهم نافعين البلاد صح

   المشكله عندنا في ابوظبي انه ما شي سياسه صادقه للبحث عن الكوادر كله واسطات في واسطات في واسطات في محسوبيه والله شي مزعج لأبعد الحدود وعلشان جذي دبي وين ونحنا وين في كل الدوائر والمؤسسات والهيئات هناك يبحثون عن الكودار والربع في ابوظبي وللاسف مثل ما قلت لكم واسطات في واسطات واسطات في واسطات واسطات في واسطات واسطات في واسطات اوف تعبت من هذي الكلمه من قد ما اسمعها كل يوم في الدوام في الشارع في اتيلفون في السوق حتى في البيت حتى وانا نايم احلم فيها
   …

   المهم لا حد يواخذني بس هذا النقد بناء يمكن حد من صناع القرار يقراه ويحس باللي حاصل…

   يارب تحفظ بلادنا وشيخونا وترزقهم البطانه الصالحه وتشيل البطانه الفاسده عنهم
   يارب تحمينا من الحاقدين على ابلادنا

   اللهم امين اللهم امين وكل اللي قرا الموضوع يقول امين امين امين

2. انا اول شي مستغرب من قناة ابوظبي او الامارات حتى صرنا مانفرق من بينهم

   ثاني نقطه لو تلاحظون كل برامجهم صارت اساميها باللغه الانجليزيه اتقول مب لاقين اسامي عربيه والا هو مثل مايسمونه تطور ومايصير الا بالانجليزي

   والنقطه الاخرى انها لاتمثل الامارات من اي جهة الا من خلال الشعار فقط لان معظم المذيعين من جنسيات مختلفه ماعدا نشرة علوم الدار والتي استهلكت وصارت ممله بعض الشي لنقص التقارير والتغطيه المقتصره على الاحداث العاديه ولايوجد تميز فيها

   اتمنى من قناة ابوظبي اعاده تقييم برامجها وان تفتح لابناء الوطن الابواب للتوضيف لانها واجة للدوله من خلال الفظاء يعني عمركم قناة وطنيه واللي فيها ليسوا مواطنين

   وانشاء الله اتمنى ان تكون الملاحظات تصب في مصلحه الوطن والمواطن

3. يمكن ماشئ مواطن تقدم لهالوظيفه

   ويمكن اللى تقدم مب كفؤ

   هذي قناة تمثل الإمارات ولازم تظهر بأحسن صورة جدام العالم

   عشان جيه أكيد مب لاقيين لين الحين مواطن عنده الجرأه للوقوف بدون اي تلعثمات او ارتباك او واحد عنده طلاقه في الحديث وجذب المشاهد

   قناة تمثل الامارات ومقدم البرنامج من ..؟؟؟

   والله شي مواطنين في هالمجال بس اعتقد الراتب مب ذاك الزود

4. خلوها ع الله السالفه مب سالفة ماشي مواطنين السالفه ان قوم هيك وهيدا ماكلين بوظبي اكل ووزارة الاعلام وتلفزون بوظبي كله يتحكمون فيه زلمات بالريموت كنترول وهم في بيوتهم ومعاشاتهم تمشي المواطن مسكين اما هم اصحاب العقود والبيزات والبونس والدنيا لو تشوفون اللي صاير بتقولون شبكة تلفزيون واذاعة (سوريا-لبنان-مصر-فلسطين) ترحب بكم مب اذاعة ابوظبي الدنيا غرقانه منهم خلصوا ميزانية النفطططططططططططط خلص البترول عليهم واخر شي يسبونا لوووووووول

Comments are closed.