يا اخوان اليوم طارح لكم هذا الموضوع من الي شفته
واحد يقوم يحطلك ارض للبيع بـ مبلغ مبالغ فيه بالــمليون
اذا الارض تسوي مليونين يحطلك بثلاثه ونقول مب مشكله امرنا لله مجبورين
ووقت الجد يطنشك ومايرد عليك
يا اخوان هل حركه صارتلي اكثر من 20 مره الي مايبغي يبيع لايعرض ارضه بسعر خيالي ووقت الشري
يكنسل ويبهدلنا ويا العالم وخلق الله
واحد الله يطول في عمره تسلف من عند عمومته وخواله عشان يوفر مبلغ الأرض
وباع الي وراه ولي جدامه باع سيارته وسيارت حرمته
وباع اسهمه ومابقي شي
وتكلمنا ويا الريال وقال خلاص نتلاقه لنخلص الأرض وتم مناقشه في الأرض اكثر من اسبوعين
وريال حاط مبلغ 3 مليون ولانقص درهم
ويوم وقت تسجيل الريال اختفي لايرد علي تيلفون ولا له حس
وبهدل الريال وبهدلنا معاه
يا اخوان انت تبيع ارض مستقبل عائله ماتبيعلي راس هوووش ولاعنز عشان تكنسل
هذا الكلام موجه لفئه مب موجه للكل طبعاً والله من القهر الي فيني اكتب لكم
لنا شو موقف هذا الريال الي تسلف من عمومته وخواله وربعه
بيع الأراضي قبل الأخلاق لازم راعي الأرض يكون
وافي عند كلامه وكلمته وحد سيف لن يا اخوان ناس محتايه تبيع
إلي وراها وجدامها عشان ارض يتم الاتفاق عليها
واخرتها يطنشك وبارده مبرده لايرد علي تيلفون ولا يتعذر علي الأقل
وصلت هل مواصيل فينا الجشع وطمع وعمي القلوب
اخوكم
بن دولار
هذولا ناس الطمع والجشع وحب الفلوس اهم شي عندهم و كم جمع وكم رح يجمع …
ولا الضمير والأحترام والأمور هذي ما تييب فلوس في نظرهم ولا تهمهم ..
امرنا لله الحصول على بيت صار حلم كل مواطن فقير واتوقع إنه مارح يتحقق هالحلم إلا لما الله
يزيل الجشع والطمع في قلوب هالتجار اعوذ بالله منهم …